Свет
САД негираат дека испратиле платеници во Брегот на слоновата коска

САД денеска демантираа дека испратиле платеници во Брегот на слоновата коска да го соборат претседателот во заминување Лорен Гбагбо и оценија дека се „апсурдни“ тврдењата на приврзаниците на Гбагбо. „Само ќе кажам дека тоа е апсурдно“, изјави за агенцијата Франс прес портпаролот на Стејт департментот Марк Тонер. „И натаму го повикуваме претседателот Гбагбо да ја почитува волјата на народот на Брегот на слоновата коска и власта да му ја препушти на избраниот претседател Аласан Уатара“, рече Тонер, оценувајќи ја како смешна идејата за „злокобен заговор“. Министерот за внатрешни работи на Гбагбо, Емил Гиеиеулу во неделата изјави дека во земјата пристигнал авион со десет Американци кои треба да го соборат Гбагбо. Гиеиеулу рече дека тие Американци биле претставени како експерти за проценка на штетите на амбасадата на САД во Абиџан на која беше пукано на 16. декември. Но, како што тврди министерот, тие отишле на сосем друга страна, во упориштето на Уатара. Локалните медиуми тврдат дека патниците во авионот биле Германци кои Вашингтон ги плаќа да го соборат Гбагбо. Ваквото тврдење го негираше вчера Министерството за надворешни работи на Германија. Американското Министерство за одбрана денеска за агенцијата Франс прес потврди дека авион навистина бил испратен и дека во него биле воени експерти кои дошле да му помогнат на персоналот на американската амбасада. Експертите дошле од Командата на американската војска за Африка, што се наоѓа во Штутгарт, Германија. Во Брегот на слоновата коска владее конфузија по одржувањето на вториот круг од претседателските избори на 28. ноември. Обата кандидата на изборите и Гбагбо и Уатара се прогласија за победници, а на 5. декември беа одржани и две церемонии на полагање на претседателската заклетва. Победата на Гбагбо ја оспорува и Централната изборна комисија, Обединетите нации и меѓународната заедница. /крај/афп/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.