Свет
САД му се извинија на Перу за телеграмите објавени на Викиликс
Администрацијата на САД официјално му се извини на Перу за тајните депеши на американскиот амбасадор во Перу, Џејмс Кертис Страбл, што ги објави Викиликс.
Ова го изјави во интервју за перуанското радио станица Radio Programas del Peru (RPP), заменикот државен секретар за Латинска Америка, Артуро Валенцуела.
Викиликс на почетокот на декември ја објави тајната преписка на амбасадорот Џејмс Кертис Страбл, во кои тој го опишува перуанскиот претседател Алан Гарсија како „горделив и арогантен сезнајко“.
„Разговаравме со перуанскиот министер за надворешни работи, Хозе Гарсија Белаунде за објавените документи од страна на Викиликс, при што го пренесовме официјалното извинување од американската администрација. Се согласивме дека непријатната страница во историјата на нашиот однос е затворена“, рече заменик-државниот секретар на САД, Артуро Валенцуела.
Според него, перуанскиот колеги се согласуваат со ставот на САД дека објавувањето на Викиликс нема да им наштети на односите меѓу Перу и САД.
Претходно, министерот за надворешни работи Хозе Гарсија Белаунде и’ се потсмеваше на американската дипломатија, по објавувањето на тајните документи на сајтот Викиликс и американските дипломати ги нарече „полнети/препарирани будали кои бадијала го трошат работното време“.
Најголемата изненадување, рече тој, е фактот дека многу тајни депеши кои американските амбасадори ги испраќале во Вашингтон, не се поврзани со нивната службена работа. Според перуанскиот министер, тие тоа го прават само по потреба за Стејт департментот.
Интернет ресурсот Викиликс стана светски славен и истовремено озлогласен, откако почна со објавувањето на стотици илјади доверливи документи на американските власти.
Прво беа објавени документи кои се однесуваат на американските операции во Ирак и Авганистан. Потоа, кон крајот на ноември, на интернет страницата почнаа да се појавуваат копии од дипломатските телеграми кои во Стејт департментот ги испраќале американските амбасади во светот. Тие изобилуваат со екстремни гафови коишто ги објавуваат медиумите, а содржи експлицитни и често навредливи коментари за странските лидери, како и оценки за нивните политики. /крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.