Свет
Владејачката коалиција на Пакистан го губи мнозинството во парламентот
Втората по големина партија во владејачката коалиција на Пакистан ја најави својата намера да прејде во опозиција, лишувајќи ја досегашната коалиција од мнозинството во Долниот дом на парламентот, пренесува Reuters
Причината за оваа одлука на партијата Обединето национално движење (Muttahida Qaumi Movement, MQM) ја најде во државната политика во сферата на цените на горивата, која се зголеми од почетокот на 2011 г.„Одлуката е донесена и ние ќе седнеме на опозициските клупи во Националното собрание и во Сенатот (горниот и долниот дома на парламентот“, изјавил претставникот на партијата, Васај Џалил.Според политичките аналитичари во Пакистан, овој чекор на партијата MQM, најверојатно ќе доведе до одржување на предвремени парламентарни избори кои инаку треба да се одржат во 2013 г., бидејќи на Пакистанската народна партија (главната во владејачката коалиција) ќе и’ биде многу тешко да формира нова владејачка коалиција. Исто така, сега пакистанската опозиција може да собере доволно гласови на парламентарците за да изгласа недоверба на кабинетот на премиерот Јусуф Ради Гилани.Во моментов една од главните цели на пакистанските власти е да се елиминираат терористичките елементи, особено заканите од талибаните, кои најдоа прибежиште во северо-источние области на државата, во близина на границата со Авганистан. Бројката напади извршени од страна на радикалните милитантни групи поврзани со талибаните и со Ал Каеда во Пакистан во текот на изминатите неколку месеци нагло се зголеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.