Свет
Претседателите Ху и Обама денеска ги започнуваат директните разговори

Претседателот на Кина, Ху Џинтао, денеска во Вашингтон ќе ја започне серијата од осум разговори очи-во-очи со својот домаќин, американскиот претседател Барак Обама, на кои, како што се очекува, тие ќе се фокусираат на трговијата, кинеската валута и Северна Кореја, јавува Си-ен-енХу, кој вчера ја започна тридневната посета на САД, синоќа беше почесен гостин на вечерата организирана од Обама, на која присуствуваа и државната секретарка Хилари Клинтон и советникот за национална безбедност, Том Донилон.Покрај со Обама, предвидено е Ху да оствари средби и со други високи функционери на САД, како и со повеќе врвни деловни луѓе.Медиумите и во САД и во Кина го истакнуваат фактот дека конструктивното и сеопфатно партнерство помеѓу големите сили би можело да биде од корист и на двете држави и да биде од голема помош при обезбедувањето на стабилност во Азија, но и ширум светот, особено во периодот кој државната секретарка Хилари Клинтон го нарече „критична раскрсница“. Пред посетата на Ху, американскиот конгрес ја критикуваа Кина поради состојбата со човековите права во таа земја и побараа од претседателот Обама да го истакне тоа прашање при разговорите со кинескиот колега. Средба помеѓу лидерите на двете најголеми економии на светот исто така фрли светлина и на критиките дека државната Народна банка на Кина вештачки ја руши ја соборува вредноста на јуанот, со што се намалува цената на кинескиот извоз и со тоа на земјата си обезбедува нефер предност на меѓународните пазари. /крај/цнн/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.
Свет
Путин ги стопира нападите врз украинската енергетска инфраструктура на 30 дена

Рускиот претседател, Владимир Путин, се согласи да ги запре нападите врз украинската енергетска инфраструктура. Руските медиуми јавуваат дека по разговорот со Доналд Трамп, Путин и наредил на војската да ги запре нападите врз овие цели на 30 дена.
Кремљ објави дека Путин и Трамп изразиле заеднички интерес за „нормализација на односите“ меѓу САД и Русија, а договорена е и размена на 175 затвореници меѓу Москва и Киев. Москва се согласи и да предаде 23 тешко ранети украински војници.
Кремљ истакна дека „клучниот услов“ за спречување на понатамошна ескалација на конфликтот е „целосен прекин“ на странската воена помош и размена на разузнавачки информации со Украина. Во текстот на Кремљ се наведува и дека Путин „одговорил конструктивно“ на предлогот за прекин на огнот на море и дека се очекуваат дополнителни преговори за ова прашање.
Белата куќа објави дека „лидерите се согласиле дека движењето кон мир ќе започне со прекин на нападите врз енергетската инфраструктура, како и технички преговори за спроведување на поморски прекин на огнот во Црното Море, целосен прекин на огнот и траен мир“.
Овие преговори треба да започнат веднаш, и тоа на Блискиот Исток.
„Лидерите опширно зборуваа за Блискиот Исток како регион на потенцијална соработка за да се спречат идни конфликти. Тие дополнително разговараа за потребата да се запре ширењето на стратешкото оружје и ќе работат со другите за да се обезбеди што пошироко распоредување“, додаде Белата куќа.
„Двајцата лидери се согласија дека иднината со подобрени билатерални односи меѓу Соединетите Држави и Русија ветува многу. Тоа вклучува огромни економски договори и геополитичка стабилност откако ќе се постигне мир“, се вели во соопштението на Белата куќа.
Трамп вчера најави дека денеска ќе разговара со Путин за завршување на војната во Украина. Белата куќа вчера објави дека американскиот претседател е „решен“ да постигне договор за ставање крај на руската војна против Украина и дека светот е блиску до мир.
Претходно, специјалниот пратеник на Трамп за Блискиот Исток, Стив Виткоф, ја посети Русија и се сретна со Путин за да разговара за предлогот на САД за 30-дневен прекин на огнот. Кремљ соопшти дека преку Виткоф му биле пренесени „дополнителни сигнали“ на Трамп.
Свет
Денеска беше најсмртоносниот ден во Газа во последните 15 месеци

Израелските воздушни напади го погодија Појасот Газа, при што загинаа повеќе од 400 луѓе во изминатите 24 часа, соопштија палестинските здравствени власти, ставајќи крај на неколкунеделната релативна смиреност откако пропаднаа разговорите за постојан прекин на огнот.
Израел и палестинската милитантна група Хамас меѓусебно се обвинуваат за прекршување на примирјето, кое во голема мера е во сила од јануари, што донесе краток одмор за два милиони жители на Газа, каде што многу згради веќе се срамнети со земја.
Хамас, кој сè уште држи 59 од околу 250 заложници за кои Израел рече дека биле киднапирани за време на нападот на 7 октомври 2023 година, го обвини Израел за поткопување на напорите на посредниците да преговараат за траен крај на конфликтот, но не се закани со одмазда.
Израелскиот премиер Бенјамин Нетанјаху рече дека ги наредил нападите бидејќи Хамас ги отфрлил предлозите за продолжување на прекинот на огнот за време на неуспешните преговори.
„Израел отсега ќе дејствува против Хамас со уште поголема воена сила“, соопштија од неговиот кабинет.
Очевидци рекоа дека нападите погодиле домови и импровизирани кампови долж целиот Појас Газа, од север кон југ, додека израелските тенкови отвориле оган преку границата.
Министерството за здравство во Газа, управувано од Хамас, соопшти дека загинале 404 луѓе, што е еден од највисоките дневни бројки од почетокот на војната.
За тоа време, најмалку 150 палестински деца се убиени во израелски воздушни напади, соопшти организацијата за човекови права со седиште во Женева.