Египетскиот министер за внатрешни работи Хабиб ал-Адли во неделата изјави дека неговата влада има докази дека зад нападите врз коптската православна црква во Александрија стои палестинска група поврзана со Ал Каеда„Имам цврсти докази за нивната вмешаност во планирањето и реализацијата на тој терористички акт“, изјавил министерот Хабиб ал-Адил за државната египетска телевизија, додавајќи дека станува збор за групација којашто дејствува под името „Палестинска војска на исламот“.  На 11-ти јануари, беше убиено едно, а пет лица припадници на египетската коптска заедница беа ранети во воз крај градот Самалут, во провинцијата ал-Минја. Во истрагата се покажа дека напаѓачот е египетски полицаец.Египетските христијани се во фокусот на светските медиуми, откако одекна експлозија на новогодишната ноќ во близина на црква на христијанските Копти во вториот по големина град на Египет, Александрија, при што загинаа вкупно 23 лица, а околу стотина се повредени. По експлозијата египетските власти преземаа низа мерки за да го сочуваат единството меѓу христијаните и муслиманите во земјата. Голем број познати јавни личности, новинари и политичари кои го исповедаат исламот, заедно со христијаните учествуваа на прославата на Божик кој во египетските коптски цркви беше прославен на 7 јануари. Египетските државници повторуваат дека експлозијата во црквата не е насочена против христијаните, туку против целото египетско општество и државата. Египетските Копти се најзначајната  христијанска заедница на Блискиот исток. Според различни проценки, тие претставуваат околу 10 отсто од 80-милионското население на Египет. Неколку европски земји повикаа на заштита на христијаните на Блискиот исток, но Каиро го отфрли повикот, третирајќи го како мешање во внатрешните работи на државата. /крај/ро/макфакс/сн