Свет
Ирска: Коуен даде оставка на лидерското место во партијата, останува премиер
Ирскиот премиер Брајан Коуен попушти пред притисокот од членовите на неговата партија „Фиана Фаил“ и даде оставка лидерското место, но ќе остане премиер на земјата до изборите на 11 март, јавува РојтерсОдлуката на Коен да ги раздели функциите на партиски лидер и на премиер е крајно невообичаена и претставува врв на неделата на политичка драма што ја разбесни ирската јавност. Најнепопуларниот премиер во поблиската историја на Ирска е обвинет за лошо менаџирање на економската криза и дозволување „меурот“ со недвижнините да добие енормни размери во времето кога служел како министер за финансии. Пукањето на „меурот“ доведе до тоа ирска да биде присилена кон крајот на минатата година да побара и добие пакет помош од ЕУ и ММФ, вреден 85 милијарди евра. “требаше да си замине пред многу време, за да сочува барем малку од својот и од дигнитетот на функцијата. Погледнете само во што се претвори Ирска на меѓународен план, служиме за потсмев“, велат некои аналитичари. Коуен побара гласање на доверба во партијата на почетокот на неделава и победи, но потоа донесе непромислена одлука за реконструкција на владата, што за малку предвремено ќе ја урнеше владејачката администрација. Лидерката на најголемата опозициска партија „Фине Гаел“, Енда Кени, се закани дека ќе побара гласање на доверба на владата наредната недела, ако Коуен веднаш не распише избори. Владата веќе се соочува со гласање на доверба во среда. Аналитичарите исто така сметаат дека, имајќи го предвид слабото мнозинство од само двајца пратеници и незадоволното членство на партијата, владата најверојатно нема да го преживее гласањето. /крај/ројтерс/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.