Свет
САД подготвени да помогнат во истрагата за нападот на Домодедово

Американскиот претседател Барак Обама во телефонски разговор со рускиот колега Дмитриј Медведев ја изразил подготвеноста на Вашингтон да помогне во истрагата за терористичкиот напад на Домодедово и изразил сочувство за загубата на животите, известува прес-службата на Кремљ.
„Американскиот претседател изрази солидарност со народот на Руската Федерација во врска со трагичниот терористички напад на Домодедово, како и длабоко сочувство за смртта на невините цивили. Тој посака брзо закрепнување на сите настрадани од овој нечовечен терористички чин. Претседателот на САД ја изрази својата подготвеност за давање целосна помош за оние кои го извршија ова злосторство да ги стигне заслужената казна“, се наведува во соопштението од кабинетот на рускиот претседател Дмитриј Медведев што го цитира РИА Новости.
Притоа се наведува дека во телефонскиот разговор рускиот претседател ја изразил благодарноста за сочувството и поддршката.
Во разговорот меѓу Обама и Медведев била потцртана важноста „особено во овие тешки часови на широката солидарност покажана од страна на меѓународната заедница“, се наведува во соопштението од Кремљ.
Двете страни ја истакнале подготвеноста за блиска соработка меѓу Русија и САД во борбата за искоренување на тероризмот „кој му се заканува на целиот цивилизиран свет“.
Во ваква атмосфера, како што нагласиле челниците на двете најмоќни супер сили, од особено значење е заемната соработка која е во интерес на јакнење на меѓународната стабилност и безбедност, се додава во соопштението. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.