Свет
Руската истрага состави листа од 10 осомничени
Руските истражители составија листа од 10 можни осомничени кои стојат зад смртоносниот напад на московскиот меѓународен аеродром Домодедово, соопштија полициски извори, пренесува Риа Новости„Во моментов истражителите се сигурни дека доказите посочуваат кон Северен Кавказ. Бомбашот-самоубиец, кој ја детонираше бомбата, доаѓа од таму“, велат полициските извори.Претходно, руските безбедносни сили соопштија дека трагаат по член на исламистичка група од Северен Кавказ кој е етнички Русин и кој е осомничен за вмешаност во експлозијата на московскиот аеродром Домодедово во која загинаа 35 луѓе.Самоубиствениот бомбашки напад во понеделникот ги имаше сите одлики на исламистичките бунтовници од Северен Кавказ на крајниот руски југ. Досега ниту една група не презела одговорност за експлозијата, во која беа повредени и околу 130 луѓе. Неименувани извори од руските безбедносни сили изјавиле дека човекот кого го бараат е именуван како Раздобудко и е жител на провинцијата Ставропол, која се граничи со севернокавкаските провинции, претежно населени со муслимански малцинства, кои не се етнички Руси. Се верува дека Раздобудко е член на „Ногаи Јамаат“, бунтовничка група стационирана во Дагестан, провинција во самото средиште на растечкиот исламистички бунт, кој предизвика две постсоветски сепаратистички војни во соседната Чеченија. Можно е тој да бил организатор на нападот, па дури и самиот напаѓач, велат изворите.Исламистичкиот бунт привлече многу малку етнички Руси, но неколкумина ги сменија страните во текот на втората војна помеѓу руските федерални сили и чеченските сепаратисти пред една деценија. И за претходните терористички напади имаше осомничени етнички Руси. „Ногаи Јамаат“, или „Групата Ногаи“е одговорна за заговорот за бомбашки напади во Москва за Нова година, кои пропадна кога смс порака ја предвремено ја детонираше бомбата на жената – бомбаш во нејзиниот апартман. Регионот Ногаи се наоѓа во северен дагестан, блиску до Ставропол. Дагестан честопати е место на терористички бомбашки напади. Во средата навечер експлозија на автомобил – бомба уби четири лица и рани уште тројца пред една кафетерија во дагестанскиот град Хасавјурт, во близина на границата со Чеченија.Сликата на осомничениот бомбаш-самоубиец е дистрибуирана до полициските станици ширум Русија. /крај/ројтерс, риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.