Свет
Египет: Започнаа најмасовните протести против Мубарак
На плоштадот Тахири во Каиро започна најмасовниот протест, со кој демонстрантите го подготвуваат „Денот за заминување“ на претседателот Хосни Мубарак, кој веќе три децении се наоѓа на оваа функција. Организаторите на протестите повикуваат десетици илјади луѓе да им се придружат на местото каде во изминатите денови загинаа најмалку 300 лица, а околу илјада беа повредени. Демонстрантите пејат патриотски песни, ги виорат државните знамиња и извикуваат пароли против претседателот Мубарак. На плоштадот Тахири забележително е присуството на припадниците на армијата, кои вчера застанаа зад народот и судрија со приврзаниците на Мубарак. По вчерашните судири помеѓу приврзаниците на двете спротиставени страни, меѓународната заедница врши интензивен притисок врз Мубарак да поднесе оставка и да се повлече од функцијата. Тој одбива да го стори тоа со образложение дека таквата негова одлука ќе произведе хаос во земјата. Покрај во Каиро протести има и во други египетски градови, а светските агенции пренесуваат дека тензична е ситуацијата во Александрија. Водечкиот лидер на опозицијата Мохамед Ел Барадеј денеска изјави дека Мубарак го загубил легитимитетот и затоа мора да си замине од функцијата. крај/блиц/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.