Свет
Најмалку 19 мртви во судири меѓу исламистите на Филипини
Шест цивили, меѓу кои и 4-годишно дете, загинаа а речиси седум илјади луѓе се принудени да ги напуштат своите домови заради судирите во јужниот дел на Филипини
Во овој дел од земјата се водат борби меѓу борци на две ривалски екстремистички групи – Фронтот на исламското ослободување Моро (FIOM) и Националниот ослободителен фронт Моро (MNLF), пишува итнернет изданието на весникот Philippine Daily Inquirer.Претходно беше известено за загинувањето на 13 лица, главно од двете милитанти групи. „Цивилите во областа известија за шест нови жртви во неделата“, изјави во понеделникот началникот на локалната полиција Џозеф Сеиљано. На 6-ти јануари избија повторните судири меѓу двете фракции кои се борат за влијанието врз муслиманските жителите на јужниот дел од Филипините, кој сега се претвори во крвав судир поради спорот за земја во провинцијата Северен Котабато. До денес, судирите ги добија сите карактеристики на вооружени судири, во кои учествуваат повеќе од илјада милитани. „Веќе извесно време беа тивки, но од неодамна повторно почнаа со меѓусебните престрелки, изјавил началникот Семиљано. Во изминатиот период од повеќе од 40 години во јужниот дел на Филипините се водат крвави судири меѓу владините трупи и муслиманските бунтовници во кои загинаа повеќе од 150 илјади луѓе а два милиона останаа без своите домови. До пред извесно време движечка сила на исламистичкиот бунт беше Националниот ослободителен фронт Моро (MNLF). Но во 1996 г., Фронтот кој ги претставуваше интересите на радикално настроените муслимански Филипинци потпиша мировен договор со владата, во замена за зголемена автономија, особено на муслиманската област на јужниот остров Минданао. Во 2001 г., кога официјална Манила не се согласи со барањето на лидер на Фронтот, Нур Мисуари за продолжување по вторпат на неговиот мандат како окружен гувернер, беше организран бунт против централната влада, кој брзо беше задушен. Самиот Мисуари пребега во Малезија, од каде беше екстрадиран во Филипини. Од 2002 г., водачот на MNLF е во затвор , но тој останува влијателна фигура меѓу муслиманите во светот. Организацијата на исламската конференција (ОИК) ја признава легитимноста на Фронтот, кој се уште контролира големи подрачја во јужниот дел на земјата, како единствен легитимен претставник на муслиманското малцинство во Филипини. Меѓутоа, моментално најголемата вистинска сила во јужниот дел на Филипините е FIOM, која започна да дејствува од 1978 г. кога од MNLF се оддели група бунтовници кои не се согласуваа со активностите на Мисуари. Во последните години Фронтот, во чии редови се проценува дека има до 11 илјади борци (според самиот Фронт таа бројка изнесува 15 илјади), кои се тешко вооружени, изјави дека се откажува од терористичките методи на борба, и покажа подготвеност да им помогне на властите да се справат со сокриените странски терористи и води преговори со официјална Манила. Сепак, нивниот нов курс помалку застрани од август 2008 г., поради несогласувања околу прашањето за „наследството на предците“, односно правата на околу три милиона филипински муслимани врз приходите од природните ресурси за развој во областите коишто традиционално ги населуваат. Последица на тоа беше ново влошување на ситуацијата на југот. Во овој конфликт загинаа повеќе илјади Филипинци, а 750 илјади станаа бегалци. Филипинската претседателка Бенигно Акино којашто на фунцкијата дојде во средината на минатата година, за време на изборната кампања вети дека ќе ги продолжи разговорите со екстремистите од двете исламскистички фракции, како и со маоистичките бунтовници. Минатата седмица нејзината администрација ги заврши прелиминарните разговори со FIOM. Се очекува дека завршните преговори ќе започнат оваа среда во Малезија. Филипините се една од двете азиски држави (заедно со малиот Источен Тимор) со претежно католичко население, но во јужниот дел на „земјата на седумте илјади острови“ муслиманите се мнозинство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.