Свет
Во Аргентина во воен авион на САД конфискувани оружје и наркотици
Аргентинската влада го изрази својот остар официјален протест до Вашингтон за неприајвената пратка оружје и дрога, кои беа запленети во воен воздухоплов на САД, од страна на аргентиснките цариници, јавува AFP
Во соопштението издадено од аргентинската влада стои дека царинските службеници ја заплениле нелегална пратка минатиот четврток, при контрола на американскиот воен авион „С-17“, кој пристигнал на меѓународниот аеродром во Буенос Аирес за да учествува на заеднички вежби за ослободување на заложници. Како што пишува во вторникот Associated Press, кој се повикува на потврда од американски официјални претставници, Аргентина ја обвинува американската војска дека се обидува да протури оружје и шпионска опрема во земјата, под маската на обезбедување една рутинска полициска обука.Од американската страна, пак, се тврди дека станува збор за високо софистицирана опрема за следење и набљудување и за лекови. Аргентински власти велат дека запленила речиси илјади кубни метри непријавена опрема, опишувајќи ја како автоматски пушки и муниција, дрога и шпионска опрема. Официјален Буенос Аирес тврди дека товарот не бил внесен во декларацијата поднесена од страна на тамошната американска амбасада. „Конфискувани се материјали кои не се споменати од Стејт департментот, од оружје до разни лекови, вклучувајќи и многубројни дози од морфиум“, се вели во соопштението на аргентинското Министерство за надворешни работи. Во документот се наведува дека аргентинските власти им изразиле на САД официјален протест и бараат од Вашингтон да соработува во истрагата во врска со воените претставници „кои ги прекршиле законите на Аргентина и внесле илегални стоки со владино транспортно средство“.Според агенцијата, по одземањето на недозволената стока, американскиот авион, во саботата се вратил во САД.Портпаролот на Стејт департментот на Филип Кроули изјави дека тој не може да потврди дали демаршот бил поднесен, но тој ја повика Аргентина да ја врати опремата на САД.„Ние сме збунети и вознемирени од дејствувањето на аргентинските официјални лица“, изјави Кроули за новинарите во Вашингтон.Тој додал дека претражувањето на авионот било „необично и ненајавено“ и дека имало мали отстапувања од наведеното во декларацијата „видови од нешта што можеше да се расчисти на самиот терен од страна на царинските работници“. Инцидентот со американскиот авион се случи во чувствително време за односите меѓу двете земји. Имено, од Белата куќа најавија дека претседателот Барак Обама ќе ги посети Чиле и Бразил, но ќе ја прескокнете Аргентина во неговата прва посета на Јужна Америка. Аргентинската страна се пожали на американската воена политика – посебно за обуката што САД им ја нудат на државите од Латинска Америка пза олицијата и војската во рамките на Меѓународната правна академија (International Law Enforcement Academy) во Ел Салвадор. Академијата е деташирано воено училиште на американската армија од Америка, каде што како што тврдат критичарите многу латиноамерикански воени фигури ги научиле теникит еза тортура што ги употребувале во диктаторските режими во регионот во последниве децении.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.