Свет
Египет го потврди атентатот врз Сулејман
NULL
Египетскиот министер за надворешни работи Ахмед Абу ал-Геит потврди дека во текот на немирите имало обид за атентат врз Омар Сулејман, поранешен шеф на египетското разузнавање штом бил именуван за потпретседател, пренесе денеска новинската агенција МЕНА.Според министерот Ахмед Абу ал-Геит, тој лично го видел автомобилот на Омар Сулејман изрешетан со куршуми, по напад што го извршиле непознати лица во еден од квартовите на Каиро. За да се доближат до конвојот во кој бил потпретседателот Сулејман, напаѓачите користеле украдено возило на „брза помош“.Египетскиот министер за надворешни работи, исто така, вели дека во нападот загинал еден од телохранителите на Сулејман. Уште еден телохранител и возачот на автомобилот на египетскиот потпретседател биле сериозно повредени во атентатот.Американската телевизија Fox News на 5-ти февруари јави, повикувајќи се на неименуван висок функционер во администрацијата на американскиот претседател Барак Обама, дека во нападот врз колоната на Сулејман се убиени негови двајца телохранители. Телевизијата тогаш не можеше да го определи датумот на нападот. Подоцна египетските власти ги негираа овие информации, нарекувајќи ги „неосновани“. /крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.