Адвокатите на Џулијан Асанж, основачот на алармирачката интернет страница Wikileaks денеска поднесоа жалба против наредбата на лондонскиот суд за екстрадиција на Асанж во Шведска, каде што ќе му се суди за сексуални злосторства, пренесува Reuters

Адвокатите на Џулијан Асанж, основачот на алармирачката интернет страница Wikileaks денеска поднесоа жалба против наредбата на лондонскиот суд за екстрадиција на Асанж во Шведска, каде што ќе му се суди за сексуални злосторства, пренесува ReutersКонтроверзниот Австралијанец (39) одлуката на судот од минатата недела тој да биде екстрадиран ја опиша како „ резултат на европскиот систем на прогон кој сосема полудел“. Асанж  додава дека е подготвен за долга правна битка, која ќе ја тера дури и до Европскиот суд за човекови права, ако е потребно. Од Вишиот суд во Лондон потврдија дека денеска ја примиле жалбата, но се уште не е утврден датумот на сослушувањето. Шведскиот суд го бара Асанж со европска потерница поради наводно сексуално малтретирање на две жени во Шведска, од кои едната го тужи поради тоа што одбил да стави кондом при секс, а другата го тужи за силување поради тоа што наводно имал однос со неа додека таа спиела. Адвокатите на Асанж тврдат дека ако тој боде екстрадиран во Шведска, се соочува со ризик од таму да биде екстрадиран во САД, каде штоп му се заканува смртна казна поради тајните воени и дипломатски документ на САД кои тој ги објави на својата страница. /крај/reuters/сс/