Свет
Почина дизејнерот на најславниот модел на борбени авиони „Сухој“
Михаил Симонов, човекот кој го дизајнираше најславниот модел на руски борбени авиони „Сухој“, вклучувајќи го и „Су-27“, почина изутринава на 81- годишна возраст, соопштија производителите на овие авиони.
Михаил Симонов, човекот кој го дизајнираше најславниот модел на руски борбени авиони „Сухој“, вклучувајќи го и „Су-27“, почина изутринава на 81- годишна возраст, соопштија производителите на овие авиони.Во соопштението на компанијата „Сухој“ се наведува дека Симонов починал во Москва.Симонов работниот век го почнал во 1950 година како авиоинженер, а во 1970 година се придружил на дизајнерското биро на „Сухој“, како заменик на главниот дизајнер.Во текот на следните девет години раководел на развојот на борбени модели, „Су-24“, „Су-25“ и „Су-27“. Во периодот од 1979 до 1983 година бил заменик на советскиот министер за авиоиндустрија. Потоа се вратил на претходното работно место и станал главен дизајнер во „Сухој“ и продолжил со работа на моделот „Су-27“, најдобриот борбен авион на Советскиот Сојуз.Кога државните нарачки по колапсот на СССР во 1991 година започнале да пресушуваат, Симонов одиграл клучна улога во склучувањето на профитабилни извозни зделки кои ја зачуваа компанијата „Сухој“./крај/бе/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.