Свет
Во јужен Авганистан загинати авганистански и странски војници

Тројца припадници на авганистанската национална армија се убиени во саботата во одвоени напади во јужниот и источниот дел од Исламската република откако воени возила налетале на нагазни мини, потврди прес-службата на Министерството за одбрана на Авганистан за Reuters
Исто така, во саботата наутро во округот Трили во областа Чапархар во источната авганистанската провинција Нангахар далечински управувана нагазна мина разнела полициски пикап „форд ренџер“, при што тешко се ранети тројца припадници на пограничната авганистанска полиција. Полицијата во овој случај уапсила тинејџер осомничен за нападот кај кого бил пронајден далечински управувач. Истовремено, уште еден авганистански војник загинал а седум се ранети кога во саботата во провинцијата Вардак, воено товарно моторно возило со полна брзина удрило во минибус. Во несреќата која била предизвикана од војниците загинале и двајца цивили. Според прес-службата на Меѓународните безбедносни сили за помош во Авганистан (ИСАФ), еден војник чија националност не се наведува, загинал во саботата на југот од земјата во експлозија на импровизирана експлозивна направа. Од почетокот на 2011 г. во Авганистан загинаа 75 странски војници и офицери. Загубите на меѓународните сили од анти-терористичката коалиција во 2009 г. изнесуваа 521, а во 2010 г. дури 711 загинати припадници. Според командата на НАТО команда, со доаѓањето на пролетта меѓународните сили се подготвуваат за значајно интензивирање на воената активност и терористички напади од страна на бунтовниците, кои ќе се обидат да ги повратат своите позиции во јужниот дел на Авганистан коишто ги изгубија за време на главните борбени операции на силите на НАТО во Кандахар и Хелманд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Испуштиле џекпот од речиси 200 милиони евра зашто не успеале да го уплатат ливчето

Момче и девојка од Велика Британија ја пропуштија шансата да земат околу 200 милиони евра на џекпот на „Јуромилионс“, бидејќи не успеале да го уплатат износот на добитното ливче. Тие долго време ги пишувале истите броеви и кога конечно биле извлечени како добитни, тие имале проблем со платежната картичка.
Рејчел Кенеди (19) и Лиам Мекрохан (21) од Хертфордшир, биле апсолутно скршени кога сфатиле дека нивниот број излегол и тие не го платиле билетот, пренесува „Сан“.
Двајцата студенти ги играа победничките броеви 6, 12, 22, 29, 33, 6 и 11, пет недели по ред пред да се појават сите седум цифри на ждрепката во петокот.
Сметката на Рејчел беше поставена за автоматско купување билет во „Јуромилионс“ со нејзините вообичаени броеви, но бидејќи нејзината сметка немала доволно средства, плаќањето на билетот не поминало. Но, кога ја проверила апликацијата, таа имала известување дека нејзините вообичаени броеви се „победнички“ – па помислила дека го добила џекпотот.
„ Апликацијата ми покажа „победнички“ и помислив „О, боже, победив“. Затоа, ги повикав моето момче Лиам и мајка ми во собата и тие не можеа да поверуваат. Се јавив на бројот мислејќи дека освоив 182 милиони фунти и тие ми одговорија „ да ги имате вистинските броеви, но немавте средства на вашата сметка за плаќање на билетот, па всушност не поминала уплатата“ рекла Рејчел.
Лиам, кој студира економија, веќе правеше суми за тоа како ќе ги потрошат парите.
„ Бев апсолутно скршен кога разбравме дека не сме добиле џекпот. Си ја имав замислено куќата и авотмобилот од соништата“ рече Лиам.
Рејчел повеќе не им верува на нејзините среќни броеви. Таа мисли дека тие не ѝ носат среќа, па ги смени со нови, за следното играње.
Регион
Бугарија ги олеснува мерките и покрај порастот на новозаразени

Рестораните се повторно отворени во Бугарија, по заклучувањето што траеше повеќе од три месеци, а мерките против коронавирусот се олеснуваат и покрај влошената епидемиолошка состојба.
Рестораните можат да бидат отворени од 6 до 23 часот, но тие можат да користат само половина од капацитетот, а на маса не можат да седат повеќе од шест лица.
Келнерите и другиот персонал мора да носат маски.
Бугарската агенција наведува дека централната пешачка улица во Софија, Витоша, во понеделникот била преплавена со луѓе, а рестораните биле полни со гости.
На социјалните мрежи е објавена снимка од трубачки оркестар, со кој се слави повторното отворање.
Според наредбата на Министерството за здравство, ублажувањето на мерките се однесува и на учениците со попреченост, кои можат да се вратат на настава во живо. Дозволени се и туристички патувања во земјата.
Европа
Германија планира да го продолжи карантинот до крајот на март

Германија планира да го продолжи карантинот до 28 март, но некои мерки ќе бидат олеснети од 8 март.
Според нацрт-законот до кој дојде сајтот „Фокус онлајн“, постигнат е договор меѓу канцеларката Ангела Меркел и премиерите на 16 германски провинции, објави „Ројтерс“.
Меркел ќе разговара со премиерите на германските покраини утре, бидејќи бројот на заболени од ковид од почетокот на пандемијата надмина 2,4 милиони.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа6 дена
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер