Свет
Расте рејтингот на Обама

Според најновото истражување на Универзитетот Квинипак, повеќето Американци американскиот претседател го почитуваат првенствено лично. Кога станува збор за неговата политика, земјата е поделена, вели Питер Браун од тимот кој ја спровел анкетата
„Речиси тројца, на секои четворица Американци или 74 проценти, велат дека им се допаѓа претседателот Обама лично. Но, на само 42 процента им се допаѓа неговата политика. Тоа е мошне голема разлика и се поставува прашањето што ќе биде пресудно за негов евентуален реизбор на наредните избори, однесувањето или политиката?“Обама тврди дека дел од неговата економска политика, на пример, е одговорна за актуелниот позитивен тренд. Според најновиот извештај на Одделот за труд, нивото на невработеност во моментов е под девет проценти, најниско во последниве речиси две години.„Тоа е напредок, но треба да продолжиме да градиме врз овој момент“, вели претседателот.Рејтингот на американскиот лидер во однос на подобрување на пазарот на работна сила се подобри, според резултатите на анкети спроведени изминативе неколку месеци. Според политичките експерти шансите за негов реизбор практично зависат од напредокот во американската економија.Аналитичарот Чарлс Кук за телевизијата Си-Спен изјави дека ситуацијата со работни места е особено битна со наближувањето на претседателската кампања во 2012 година.„Тоа не значи дека републиканскиот кандидат не е важен, но изборите се воедно референдум за актуелниот претседател, број еден, а број два, луѓето гласаат согласно нивните економски интереси“, вели овој експерт.Се очекува неколку претседателски кандидати од редовите на Републиканската партија наредните неколку месеци и официјално да влезат во трката, но засега кампањата се одвива со забавено темпо.Забавеното темпо на кандидатурата за претседател од страна на републиканците некои демократи ја преведуваат како резултат на подобрениот рејтинг на претседателот Обама по најновите анкети. Сепак, многумина републиканци не го прифаќаат тој аргумент. Џон Фортие е политички научен соработник во Американскиот ентерпрајс институт.„Претседателот се подбри од изборите наваму. Рејтингот е поголем. Но не треба да преувеличуваме. Секако дека претседателот е некаде во средина. Секако дека може да победи во моментов, може и да загуби, но тоа не ги плаши републиканците“, вели Фортие.Републиканските групи од интерес и прелиминарни избори нема да започнат се` до почетокот на наредната недела, но неколкумина републикански кандидати уште годинава, почнувајќи од мај, закажаа политички дебати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Рајанер“ го зголемува дозволениот бесплатен рачен багаж

„Рајанер“ ќе ја зголеми максималната големина на багажот што може да се носи во авион бесплатно и да се складира под седиштето за 20 проценти, откако Европската Унија презентираше предлог за нови закони што би дозволиле поголеми димензии.
Нискобуџетната авиокомпанија моментално им дозволува на патниците да земат бесплатен рачен багаж што се вклопува под седиштето, како што е чанта или мал ранец. Максималната големина сега се зголемува од 40x25x20 см на 40x30x20 см.
Иако станува збор за зголемување само од 5 сантиметри во ширина, ова значи дека волуменот на торбата се зголемува од 20 на 24 литри.
И покрај зголемувањето, „Рајанер“ сè уште заостанува зад својот главен конкурент „ИзиЏет“, кој дозволува багаж со димензии 45x36x20 см (32 литри), додека „ВизЕр“ веќе дозволува багаж со димензии 40x30x20 см.
„Рајанер“ изјави дека новите правила ќе бидат имплементирани во наредните недели.
Минатата недела, европратениците предложија патниците да имаат право на багаж со димензии од најмалку 40x30x15 см, како и дополнителен багаж со димензии до 100 см и тежина до 7 кг, без дополнителни трошоци со нивниот авионски билет.
Свет
САД воведоа нови санкции врз Иран и Хезболах

Соединетите Американски Држави воведоа нови санкции врз Иран и неговиот либански сојузник Хезболах, насочени кон високи функционери и мрежи кои помагаат да се избегнат санкциите на САД поврзани со продажбата и транспортот на иранска нафта.
Министерството за финансии соопшти дека неговата Канцеларија за контрола на странски средства „презема мерки против мрежите кои колективно транспортирале и купувале иранска нафта вредна повеќе милијарди долари, од кои дел им користеле на силите Кудс на Иранскиот корпус на револуционерната гарда (IRGC-QF), кој е прогласен за странска терористичка организација“.
Санкциите се насочени и кон бродовите вклучени во транспортот на нафта.
Министерот за финансии Скот Бесент изјави: „Министерството ќе продолжи да воведува мерки против изворите на приходи на Техеран и да го зголемува економскиот притисок за да го наруши (неговиот) пристап до финансиските ресурси што им овозможуваат на неговите дестабилизирачки активности“.
Санкции беа воведени и против неколку високи функционери и еден субјект поврзан со Хезболах поради помагање во избегнувањето на санкциите.
Овој потег ја нагласува посветеноста на попречување на напорите на Хезболах да ги избегне санкциите, според одделот.
Целта на санкциите беше и да се поддржат напорите на новата либанска влада да го ограничи влијанието на терористичката група, особено затоа што актери како финансиските институции на Хезболах продолжуваат да ја поткопуваат веќе кревката економија на Либан, соопшти одделот.
Свет
Путин разговараше со Трамп: „Нема да се откажам од своите цели во Украина“

Претседателот на САД, Доналд Трамп, и рускиот претседател, Владимир Путин, разговараа по телефон речиси еден час за војната во Украина, при што двајцата изразија подготвеност да бараат решение преку преговори, објави советникот на Кремљ, Јуриј Ушаков.
За време на разговорот, Трамп повторно го отворил прашањето за брзо завршување на војната во Украина, но Путин јасно ставил до знаење дека Русија нема да отстапи од своите цели, вклучително и, како што рекол, отстранување на причините што довеле до конфликтот.
„Нашиот претседател нагласи дека Русија ќе ги постигне целите што си ги поставила, а тоа е да ги елиминира познатите причини што доведоа до сегашната конфронтација“, рече Ушаков.
Путин му ги презентирал на Трамп и деталите за неодамнешниот договор со Украина за размена на затвореници и загинати војници и ја изразил подготвеноста на Москва да продолжи со преговорите со Киев.
Ушаков нагласи дека рускиот став е дека мировните преговори за Украина мора да се водат исклучиво меѓу Москва и Киев, без трети страни.