Свет
Најмалку 20 загинати во Пешавар и четворица убиени во Карачи
Најмалку 20 лица загинаа во средата во експлозија предизвикана од бомбаш-самоубиец во северо-западниот дел на Пакистан, јави локалната телевизија GeoTV. Телевизијата јавува и за четворица загинати во Карачи
Според телевизијата, бомбашот-самоубиец се разнел во близина на група луѓе кои присуствувале на погребна молитви во еден од реоните на градот Пешавар, админситративен центар на покраината Хајбер-Пахтунхва. Во информацијата се додава дека во експлозијата има и доста повредени, но нивниот број не е соопштен. Претставник на локалните власти Сираџ Ахмед Хан изјавил дека на погребниот обред прусуствувале и приапдници на про-владината паравоена организација „Аман-Лашкар“, кои учествуваат во операциите против исламистичката радикална група на талибаните. Најмалку четири лицазагинаа меѓу кои двајца политички активисти а уште десет други лица се повредени во напад во одделни делови на пакистнаската метропола Карачи во вторникот доцна навечер, јавува GЕO TV.Во налсебата Касба бил застрелан Имран Африди, за кого телевизјата јавува дека бил активист на провинцискиот огранок на политичка група. Во друг напад во населбата Банарас, неидентификувани вооружени напаѓачи отвориле оган врз патници во автобус при што убиле еден човек а четворица биел ранети. Во коплексот Џохар во Карачи бил убиен локален активист Мунавар Икбал, кој според полицијата бил цел на нападот. Уште еден човек бил убиен а две други лица биле ранети од страна на непознати напаѓачи во областа Бхем Пура во која подолго време ситуацијата е напната, јавуа телевизијата.Пакистан последната година е зафатен од бран насилство, а нападите претежно се насочени кон припадниците на безбедносните сили и претставници на федералнит евластиОд јули 2007 г. кога беше извршен крвав напад на милитантите во џамија во главниот град Исламабад, се интензивираа овие напади а околу четири илјади лица се убиени во експлозии, самоубиствени бомбашки напади и напади со огнено оружје, за што се обвинети припадници на пакистанското талибанско движење и борци на Ал Каеда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.