Благо покачување на нивото на радијација забележано е утрово на далечниот исток на Русија, пренесуваат медиумите повикувајќи се на руски официјални лица.

Благо покачување на нивото на радијација забележано е утрово на далечниот исток на Русија, пренесуваат медиумите повикувајќи се на руски официјални лица. Според британскиот „Телеграф“, зголемена радијација, која сепак е во границите на нормалата е измерена во Владивосток на полуостровот Сахалин, кој се наоѓа на 800 километри од оштетената нуклеарка „Фукушима 1“. Радијацијата во Владивосток, измерена во 5 часот по средноевропско време, е за еден микрорентген поголема од мерењето извршено шест часа претходно. Руската армија соопшти дека е подготвена да го евакуира населението од полуостровот Сахалин, како и од јужните Курилски острови доколку за тоа има потреба, јавува агенцијата Интерфакс. Еден од овие острови, Танфиљева, е оддалечен само шест километри од јапонскиот брег. Русија и Јапонија имаат територијален спор околу јужните Курилски острови. крај/б/н.ц