Силите за безбедност на Бахреин насилно ги отстранија демонстрантите кои со денови престојуваа на главниот плоштад во Манама барајќи реформи, со што ги прекинаа народните протести во ова мало кралство во Заливот, пренесуваат агенциите.

Силите за безбедност на Бахреин насилно ги отстранија демонстрантите кои со денови престојуваа на главниот плоштад во Манама барајќи реформи, со што ги прекинаа народните протести во ова мало кралство во Заливот, пренесуваат агенциите.Во судирите меѓу полицијата и демонстрантите загинале најмалку две лица, а стотина лица се повредени, се дознава од болнички извори. Демонстрантите настрадале откако полицијата фрлила солзавец врз мнозинството шиитски бунтовници, кои бараат политички реформи.Полицијата пукала од ловџиски пушки. Неколку шатори во кои демонстрантите ја минувале ноќта биле запалени, а густ чад надвиснал над плоштадот. Додека хеликоптерите го надлетувале градот, полицијата заземала положба на плоштадот и почнала да ги отстранува преостанатите шатори, а демонстрантите бегале низ споредните улици.До напад врз демонстрантите дошло откако во Бахреин пристигнаа безбедносни сили од соседните земји во Заливот за да и помогнат на сунитската династија Ал Калифа да ги запре бунтовниците. Тие уште од 19 февруари го заземаа плоштадот во главниот град и бараат политички реформи, а некои дури и заминување на сунитската династија која управува со земјата чиешто автохтоно население е мнозинство шиитско./крај/хи/бч