Американската државна секретарка Хилари Клинтон доцна синоќа пристигна во посета на Тунис, два месеца откако масовните протести доведоа до рушење на долгогодишниот претседател Бен Али, јавува Al Jazeera

Американската државна секретарка Хилари Клинтон доцна синоќа пристигна во посета на Тунис, два месеца откако масовните протести доведоа до рушење на долгогодишниот претседател Бен Али, јавува Al JazeeraКлинтон денеска треба да се сретне со привремениот претседател Фуед Мебазаа, како и со министерот за надворешни работи на Тунис Мулди Кефи и со привремениот премиер Беџи Каид Есебси. Таа ќе се сретне и со претставници на младината која ги предводеше протестите и со хуманитарните работници кои помогнаа да се прифатат повеќе од 100.000 странски работници кои од соседна Либија пребегнаа во Тунис. Клинтон во престолнината на Тунис беше пречекана и од поголема група на демонстранти, кои протестираа против нејзината посета, со слогани како „Тунис е арапска земја, не империјалистичка или ционистичка“. Кога пред две недели Клинтон ги објави своите намери да ги посети Тунис и Египет, таа истакна дека сака да ја пренесе намерата на САД да биде „партнер во важната работа кој им претстои при преминот на овие држави кон вистинска демократија“. Таа пред конгресната комисија за надворешни работи ја истакна заканата од зголеменото влијание на Иран во регионот, како и фактот дека „САД има голем удел во тоа „Тунис и Египет да станат модел – држави за видот на демократија каква што САД сакаат да видат во регионот“. /крај/Aljazeera/сс/