Либиската влада е подготвена за прекин на огнот во судирот со бунтовниците кои се борат против Моамер Гадафи, но претходно сака да се договори како тоа да биде изведено.

Либиската влада е подготвена за прекин на огнот во судирот со бунтовниците кои се борат против Моамер Гадафи, но претходно сака да се договори како тоа да биде изведено

Ова денеска го изјави Калед Каим, заменик министер за надворешни работи на Либија.

„Подготвени сме за таа одлука(прекин на огнот), но бараме соговорник со кој би разговарале како тоа да го спроведеме“, изјави синоќа Каим на прес конференција, недолго по усвојувањето резолуција на Советот за безбедност(СБ) на Обединетите нации(ОН) за вршење воздушни удари против силите на Гадафи во Либија.

Каим навести дека властите би можеле „да реагираат позитивно на резолуцијата на ОН и дека подготвеноста ќе ја докажат со тоа што ќе гарантираат заштита на цивилите“.

Европската унија(ЕУ) го поздрави усвојувањето на резолуцијата на СБ на ОН и соопшти дека е подготвена да ја имплементира.

Од друга страна, Кина има сериозни резерви кон резолуцијата. Кинеското Министерство за надворешни работи преку соопштение наведува дека Кина е против употреба на воена сила во меѓународните односи и дека има резерви кон делови од резолуцијата. /крај/бл/ст