Свет
Либиските војници биле нападнати од бунтовниците во Бенгази?!
Главното упориште на либиските бунтовници од изутринава е под силен артилериски оган, а борците биле присилени да се повлечат од предградијата кон центарот, јавуваат странските медиуми
Главното упориште на либиските бунтовници од изутринава е под силен артилериски оган, а борците биле присилени да се повлечат од предградијата кон центарот, јавуваат странските медиумиДописникот на Al Jazeera јавува дека бунтовниците почнале да поставуваат бетонски препреки пред нивниот главен штаб. Нивните информации велат дека либиската авијација го бомбардирала аеродромот и пристаништето во Бенгази, како и дека бунтовниците успеале да срушат еден борбен авион. И двете страни меѓусебно се обвинуваат за прекршување на примирјето. Официјалната либиска агенција DJAN во саботата, цитирајќи воени извори, јави дека Вооружените сили на Либија биле нападнати од бунтовниците во близина на градот Бенгази во источниот дел на земјата. Според агенцијата, хеликоптери и борбени авиони на бунтовниците ги нападнале позициите на либиската армија. „Ова е флагрантно кршење на забраната за летови наметнати од страна на Советот за безбедност на ОН“, се вели во соопштението.Според либиската државна агенција, либискиот вооружени сили биле принудени да одговорат на напаѓачите. Агенцијата не го наведува бројот на жртвите на двете страни. Претходно во саботата, заменик-министерот за надворешни работи на Либија, Калед Каи изјави дека распоредувањето на либиската армија во близина на градот Бенгази кое е главното упориште на бунтовниците, не го прекршува едностраното примирје прогласено од страна на властите на земјата и дека единиците не се подготвуваат да го заземат градот. Властите, исто така, соопштија дека разоружувањето на бунтовниците коишто моментално го контролираат Бенгази, ќе им биде доверено на посебните антитерористички единици. Во самиот град Бенгази, според извештаите на странските медиуми, во саботата одекнуваат експлозии. Катарската сателитска телевизија Al Jazeera јави, меѓу другото, дека силите под контрола на либискиот лидер Моамер el-Гадафи, го гранатирале западното предградие на Бенгази. Претходно во петокот владата на Либија најави прекин на сите воени операции против бунтовниците во врска со усвојувањето на резолуцијата на ОН. Триполи ги негираше извештаите во врска со бомбардирањето на либискиот градови. Покрај тоа, либиските власти поканија набљудувачи од Турција, Грција и Малта за да го следат прекинот на огнот. Резолуцијата усвоена во четвртокот во Советот за безбедност, предвидува затворање на воздушниот простор над Либија за да се прекинат воздушните напади врз бунтовничките сили и да се избегнат цивилни жртви. Одлуката на Советот за безбедност наложува забрана за летање на либиските авиони, а предвидува и eевентуалната воена акција, но без употреба на копнените сили. Од 15-ти февруари во Либија започнаа протести кои во источните делови од земјата прераснаа во народно востание против власта на Гадафи, кој управува со земјата 42 години. Либиската авијација секојдневно ги бомбардира позициите на бунтовниците во источниот дел на земјата и градовите во кои тие ја преземаа контролата во западниот дел на Либија. Либиските власти тврдат дека се борат против групи кои се поддржани од глобалната терористичка мрежа Ал Каеда, чии високи претставници пред извесно време повикаа на соборување на режимот на Гадафи./крај/ро/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.