Светските лидери се собраа во Париз за да ја разгледуваат опцијата на координирана воена акција во Либија, сметајќи дека Моамер ел-Гадафи ги предизвикува западните сили со неговата офанзивна врз бастионот на бунтовниците Бенгази.

Светските лидери се собраа во Париз за да ја разгледуваат опцијата на координирана воена акција во Либија, сметајќи дека Моамер ел-Гадафи ги предизвикува западните сили со неговата офанзивна врз бастионот на бунтовниците Бенгази.Американската државна секретарка Хилари Клинтон, британскиот премиер Дејвид Камерон и францускиот претседател Николас Саркози требаше да се состанат околу пладне, најмалку еден час пред почетокот на широките преговори на кои ќе се зборува за воена интервенција под покровителство на Обединетите нации, пренесува Ројтерс, повикувајќи се на неименуван американски функционер.Францускиот претседател Саркози ги повика претпладнето Клинтон, Камерон и францускиот министер за надворешни работи Ален Жипе за да го подготват самитот за Либија, потврдил соговорник за AFP.Светските лидери кои неколку денови оддржуваат интензивна дипломатска комуникација ќе разговараат за формирање воена коалиција за евентуални дејствија против силите лојални на либискиот лидер Моамер ел-Гадафи. Франција, Британија, САД и нивните партнери од Блискиот Исток и од Африка, пред да ја донесат одлуката за каква и да е акција во врска со Либија, ќе треба да се договорат за нејзиното координирање и командување со неа, како и местото во кое ќе биде сместен главниот штаб за операциите. На меѓународниот самит кој во париската Елисејска  палата беше закажан да почне во 13.30 часот по средноевропско време и треба да трае два часа, покрај Клинтон, Камерон и домаќинот Саркози, ќе учествуваа и повеќе африкански, азиски и европски челници, како и Генералниот секретар на ОН, Бан Ки-Мун./крај/рн/хи/сн