Свет
Тројца рудари загинаа, а 45 се заробени во рудник во Пакистан
Најмалку тројца рудари загинаа, а 45 се заробени во експлозија во рудник за јаглен во областа Балучистан, на југозападен Пакистан, соопштија денеска пакистанските функционери.
Најмалку тројца рудари загинаа, а 45 се заробени во експлозија во рудник за јаглен во областа Балучистан, на југозападен Пакистан, соопштија денеска пакистанските функционери.Во рудникот кој се наоѓа на длабочина од 1.200 метри се наоѓале 45 рудари кога се случила експлозијата, наведуваат службениците и изразија стравување дека се мали шансите луѓето заробени во окното да бидат најдени живи.„Извлековме само три тела и се обидуваме да спасиме 45 рудари кои останаа во рудникот, но има мали шанси дека ќе преживеат“, изјави за агенцијата Франс прес, Мухамед Ифтихар, директор за инспекција на рудници во областа Балучистан.Тројцата настрадани рудари починале од гушење, а голема количина на испуштен гас ја отежнува спасувачката операција, додаде Ифтихар.Повеќето рудници во областа Соранж во провинцијата Балучистан, работат во лоши безбедносни услови и лош квалитет на опрема и имало повеќе слични несреќи во минатото./крај/бе/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку десет луѓе загинаа во автобуска несреќа во Мексико
Најмалку 10 лица загинаа, а 20 се повредени во синоќешната автобуска несреќа што се случи во западната мексиканска држава Мичоакан.
Несреќата, чија причина сè уште е непозната, се случила на патот помеѓу главниот град на државата Морелија и селото Пацкуаро. Спасувачките операции и медицинската помош се на местото на несреќата.
Сообраќајните несреќи во Мексико изминатите години бележат пораст, а главни причини се пребрзото возење и лошото одржување на возилата. Во септември, цистерна што превезувала речиси 50.000 литри бензин експлодираше под надвозник на автопат во главниот град Мексико, при што загинаа десетици луѓе.
Регион
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес албанската полиција.
Полицијата објави дека тело на жена (76) е пронајдено откако нивото на водата се повлекло во поплавената југоисточна општина Девол.
Поплавите предизвикаа најголема штета во руралните региони на југот на Албанија, а во селото Душар 30 семејства беа отсечени, бидејќи патиштата беа непроодни поради поплавите.
Свет
Италијанскиот министер: Американскиот план за Украина содржи услови што никогаш не би можеле да бидат прифатени
Италијанскиот министер за одбрана Гвидо Крозето изјави дека американскиот мировен план од 28 точки за Украина е премногу оштар и дека содржи елементи кои никогаш не можат да бидат прифатени. Во објава на мрежата Икс тој наведе дека е важно тоа што и Русија и Украина разговараат за планот, но дека предлогот претставува тешка понуда за Киев.
Крозето додаде дека документот може да послужи како почетна точка за преговори и за обновување на дијалогот. Според него, целта е итно запирање на конфликтот.
Украинскиот претседател претходно предупреди дека се соочува со тежок избор, а европските лидери изразија загриженост дека предложените ограничувања би ја оставиле Украина ранлива на идни напади.

