Една жена е загината а повеќе од 30 лица се ранети во нападот во експлозијата во која настрада автобус во центарот на Еруалсим во средата околу пладне, јавува израелскиот весник Haaretz

Информациите за бројот на настраданите се спротиставени. За дописникот на руската агенција РИА Новости, портпаролот на израелската служба за итна медицинска помош при вонредни ситуации (ZAKA) соопштил дека во нападот се загинати две лица а бројот на ранетиte е повеќе од 25 од кои 15 се со сериозни повреди.Според ерусалимската полицијата, експлозивната направа најверојатно била активирана во телефонската говорница на автобуската постојка крај која минувал автобусот, а не во самата кабина на возилото како што првично се мислеше.„Основната верзија е дека експлозивната направа e поставена на автобуската станица, а активирана со далечински управувач кога во нејзина близина минувал автобусот“, изјавил портпаролот на полицијата во Ерусалим за локалната телевизија Channel Two.Истовремено, шефот на  владиниoт кабинет на Палестинската национална администрација (ПНА) на Западниот бреg, Салам Фајад остро го осуди терористичкиот напад во центарот на Ерусалим. „Најостро го осудувам овој терористички чин, без оглед на тоа која од организациите стои зад него“, изјавил Фајад во соопштение за медиумите изразувајќи надеж за брзо закрепнување на повредените. „Изненадувачки е што некој се’ уште инсистира на користење со вакви срамни работи под изговор за причини кои целосно се спротивни на нашите легитимни стремежи да дојдеме до слободата по мирен пат“, додал премиерот на ПНА, пренесува AFP.