Свет
НАТО ќе ја преземе командата на операцијата во Либија следната седмица
НАТО следната седмица, во понеделник или вторник, ќе ја преземе командата со коалиционите операции во Либија, соопштија во вечерва дипломатски извори во Брисел.
НАТО следната седмица, во понеделник или вторник, ќе ја преземе командата со коалиционите операции во Либија, соопштија во вечерва дипломатски извори во Брисел. Претходно, турските медиуми го цитираа турскиот министерот за надворешни работи, Ахмед Давутоглу, дека командувањето со воената операција наскоро ќе биде префрлено од западната коалиција на НАТО. „Нашите барања за трансферот на командувањето со операцијата на НАТО се задоволени, а тоа ќе се случи во наредните ден или два“, го цитира министерот Давутоглу турската телевизија NTV. Инаку во НАТО, речиси цела седмица не можеше да дојде до договор за коалиционата команда во Либија. Против пренесувањето на менаџирањето со операцијата на Алијансата најмногу се спротивставуваше Франција. Париз им понуди на сојузниците да се создаде структура на политичко раководење со операцијата во Либија, која ќе ги вклучи земјите учеснички во операцијата, претставниците на Арапската лига и на Африканската унија. Во средата, Советот на НАТО го одобри учеството на Алијансата во обезбедувањето на ембаргото за оружје за Либија. Се планира да се вклучат 16 воени бродови и подморници. Турција којашто во неколку наврати соопшти дека нема да учествува во воените операции против Либија, насочува пет воени бродови и една подморница кон водите на либиското крајбрежје, и со тоа го презема најголемото учество во операцијата. Анкара, исто така, соопшти дека може да му стави на располагање на НАТО за учество во операциите во Либија и ескадрила борбени авиони, ако успее да ја убеди Франција дека раководењето со либиската кампања треба да биде во рацете на Североатлантската алијанса./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.
Свет
Британија усвои нов закон, ќе испраќа мигранти во Руанда, реагираа претставниците на ОН
Двајца високи функционери на Обединетите нации денеска ја повикаа Британија да го разгледа својот план за префрлање на барателите на азил во Руанда, предупредувајќи дека потегот ќе има штетно влијание врз човековите права и заштитата на бегалците.
Во заедничката изјава, Филипо Гранди, Високиот комесаријат на ОН за бегалци и Волкер Турк, Високиот комесаријат за човекови права на ОН, ја повикаа ОК наместо тоа, да преземе практична акција за справување со нерегуларните текови на мигранти и бегалци.
„Новиот закон означува уште еден чекор подалеку од долгата традиција на Обединетото Кралство за обезбедување засолниште за оние на кои им е потребно, што исто така ја прекршува Конвенцијата за бегалци“, рече Гранди.
Британскиот парламент вчера усвои закон со кој се дозволува илегалните мигранти да се испраќаат во Руанда каде ќе се разгледуваат нивните барања за азил. Британскиот премиер Риши Сунак вчера вети дека ќе почне да испраќа баратели на азил во Руанда во рок од 10 до 12 недели. Сунак објави дека владата резервирала комерцијални чартер авиони и обучила персонал да испраќа мигранти во Руанда.
Десетици илјади мигранти, од кои многумина бегаат од војните и сиромаштијата во Африка, Блискиот Исток и Азија, стигнаа до Велика Британија во последниве години поминувајќи го Ла Манш со мали чамци на ризични патувања организирани од шверцери.
Запирањето на протокот на мигранти е приоритет за британската влада, но критичарите велат дека планот за депортирање на луѓе во Руанда наместо да се работи со барателите на азил во Британија е нехумано.
Според политиката формулирана пред две години и договорена со Руанда, секој барател на азил кој ќе пристигне во Британија илегално ќе биде испратен во Руанда според шемата за која владата вели дека ќе го спречи преминувањето на каналот и ќе ја разбие сегашната шема на шверц на луѓе. Ова ќе важи и за оние кои поднеле барање за азил во Велика Британија и никогаш досега не стапнале на африканскиот континент.