Конечниот план на командата на НАТО за воените операции во Либија би можел да биде одобрен овој викенд, изјавил за РИА Новости во петокот дипломатски извор во Брисел, близок на Алијансата.

Конечниот план на командата на НАТО за воените операции во Либија би можел да биде одобрен овој викенд, изјавил за РИА Новости во петокот дипломатски извор во Брисел, близок на Алијансата.„Оперативниот план, најверојатно, ќе биде конечно одобрен овој викенд“, изјавил дипломатот за руската новинска агенција. Како што претходно беше јавено, САД сакаат што е можно побрзо да се повлечат од операцијата што ја спроведуваат заеднички со Франција и Велика Британија, и да го предаде командувањето на НАТО. Земјите членки на НАТО по шестдневните интензивни преговори во четвртокот навечер постигнаа согласност за раководењето со обезбедувањето зона на забранети летови над територијата на Либија. „Сите сојузници се залагаат за исполнување на обврските во рамктие на резолуцијата на Обедиентите нации. Затоа решивме врз себе да ја превземеме одговорноста за зоната на забранети летови“, изјави генералниот секретар на НАТО, Андерс Фог Расмусен. Како што беше објавено во четвртокот навечер според информации од дипломатски извори, НАТО следната седмица, во понеделник или вторник, ќе ја преземе командата на коалиционите операции во Либија. Постигнатиот компромис се состои во тоа што членките на НАТО кои не го поддржуваат бомбардирањето на Либија, од страв за загрозување на безбедноста на цивилното население ќе бидат ангажирани исклучиво во обезбедувањето на зоната на забранети летови над територијата на земјата, а другите сојузници ќе бидат вклучени во воздушните напади против силите на либискиот водач Моамер ел-Гадафи. Во средата, Советот на НАТО го одобри учеството на Алијансата во обезбедувањето на ембаргото за оружје за Либија. Се планира да се вклучат 16 воени бродови и подморници./крај/рн/сн