Свет
Обвинителството бара уште еден процес против Берлускони
Обвинителството во Милано побара од судот да покрене уште еден процес против премиерот Силвио Берлускони. Обвинителството бара Берлускони да биде гонет за затајување на данок и прекршоци кои се однесуваат на периодот кога бил премиер, пренесуваат италијанските медиуми.
Обвинителството во Милано побара од судот да покрене уште еден процес против премиерот Силвио Берлускони. Обвинителството бара Берлускони да биде гонет за затајување на данок и прекршоци кои се однесуваат на периодот кога бил премиер, пренесуваат италијанските медиуми. Процесот би се водел како дел од случајот „Медиатрејд“ и е во врска со неправилностите и продажбата на правата за емитување на телевизиски програми, во периодот до 2008 година. Инаку за овој случај веќе се обвинети 11 лица, вклучувајќи го и синот на премиерот, Пјерсилвио Берлускони. Доколу судот го прифати барањето на обвинителството, тоа би бил четврти процес кој ќе се води против премиерот на Италија. Процесот кој против Берлускони е покренат поради плаќање на сексулани услуги на малолетничка и користењето на службената положба за да се забошоти случајот, започнува во среда. Адвокатите на Берлускони наведоа дека тој нема да присуствува на првото рочиште за случајот, бидејќи тоа ќе биде посветено на утврдување на техничките детали. Берлускони ги негира дека е виновен за делата за кои се товари и ги обвинува „политички мотивираните судии“ дека се обидуваат да го натераат да си замине од функцијата. крај/б/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.