Свет
Индија и казахстан ќе соработуваат во нуклеарната енергија
Индискиот премиер Манмохан Синг при посетата на Казахстан потпиша договор со својот казахстански колега за снабдување на Индија со ураниум и за индиско учество во развојот на нафтените полиња крај Каспиското море, пренесува Риа Новости
Индискиот премиер Манмохан Синг при посетата на Казахстан потпиша договор со својот казахстански колега за снабдување на Индија со ураниум и за индиско учество во развојот на нафтените полиња крај Каспиското море, пренесува Риа НовостиКазахстан со овој договор за соработка во невоена употреба на нуклеарната енергија на Индија ќе и продаде повеќе од 2.000 тони ураниум до 2014 година. Казахстан е еден од трите врвни производители на ураниум во светот, при што минатогодишното производство достигна 17.800 тони. Двете страни, исто така, потпишаа договор за трансфер на 25 проценти од сопствеништвото во нафтениот проект „Сатпајев“ на Каспиското море, на индиската компанија „ОНГЦ Видеш“. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина американскиот пејач, актер и текстописец Крис Кристоферсон
Крис Кристоферсон, влијателниот американски пејач, актер и текстописец со низа хитови како што се Me and Bobby McGee и Help Me Make It Through the Night, почина во саботата на 88-годишна возраст, соопшти неговото семејство.
Портпаролот на семејството во неделата изјави дека Кристоферсон починал во својот дом во Мауи, Хаваи, опкружен со семејството, но не ја наведе причината за смртта. Кристоферсон беше ренесансен човек – спортист со поетски сензибилитет, поранешен воен офицер и пилот на хеликоптер.
Тој се проби во светот на музиката како текстописец во главниот град на кантри музиката Нешвил – напиша хитови како наградените со Греми Help Me Make It Through the Night, For the Good Times и Me and Booby McGee, еден од последните хитови на Џенис Џоплин.
Во раните 1970-ти, кога веќе се етаблирал како пејач, започнал и актерска кариера. Една од неговите најпознати улоги е во филмот A Star Is Born, заедно со Барбра Стрејсенд, кој беше еден од најпопуларните филмови во 1976 година.
Тој исто така играше главни улоги во хит филмовите Пет Гарет и Били Кид, Конвој и Небесна порта.
Кристоферсон е роден во Браунсвил, Тексас на 22 јуни 1936 година и често се преселувал бидејќи неговиот татко бил генерал во воздухопловните сили. По дипломирањето на колеџот Помона во Калифорнија, каде што играше фудбал и рагби, Кристоферсон присуствуваше на Универзитетот во Оксфорд, а потоа ја следеше семејната традиција со приклучување на војската.
Поминал низ елитното воено ренџерско училиште, научил да управува со хеликоптер и стигнал до чин капетан.
Кристоферсон стана домар во студиото „Колумбија рекордс“ затоа што тоа го гледаше како можност да ги понуди своите песни на познатите ѕвезди кои снимаат таму. Работел и како пилот на хеликоптер кој превезувал работници меѓу нафтените полиња во Луизијана и платформите на море.
Во тоа време тој напиша некои од неговите најнезаборавни песни, вклучувајќи ги Help Me Make It Through the Night и Sunday Morning Comin’ Down, кои станаа хит број 1 во САД кога ги изведе Џони Кеш.
Кристоферсон сними четири албуми во 1970-тите со Рита Кулиџ, втората од неговите три сопруги, и им се придружи на Нелсон, Кеш и Вејлон Џенингс во супергрупата за кантри музика „Хајвејмен“ во 1980-тите и 90-тите.
На врвот на кариерата живееше бурно. Имаше многу девојки и настапи на кои, како што рече подоцна, не можел да се сети бидејќи бил пијан.
Во своите 70-ти години почнал да го губи помнењето, што му го отежнувало настапот на концертите. И покрај тоа, тој остана активен, заминувајќи на турнеја во 2016 година, која вклучуваше настапи со Вили Нелсон и концерти во Европа.
Таа година го одбележа и својот 80-ти роденден со објавувањето на The Cedar Creek Sessions, албум со верзии во живо на неговите најпознати песни.
Свет
Путин: „Ќе ги постигнеме сите цели, вистината е на наша страна“
Рускиот претседател Владимир Путин им ја честиташе на Русите годишнината од обединувањето на ЛДПР, Керсон и Запорожје.
„Диктатурата во Киев сакаше да ги откине овие региони од нивната историска татковина – Русија засекогаш. По 2014 година, Руската Федерација се обиде да го реши конфликтот по мирен пат, но со текот на годините Западот ја претвори Украина во антируска отскочна даска“, рече Путин на Телеграм.
„По 2014 година, украинската армија беше подготвена за нова војна против југоисточниот дел, на мета беа и Крим и другите руски региони. Текот на настаните целосно ја потврди валидноста и вистинскиот ослободителен карактер на специјалната операција“, рече тој.
„Учесниците во специјалната операција, кои се борат во Донбас, на Курск и другите граници, ја штитат целата огромна Русија, земјата е горда на своите херои“, додаде тој.
„Им благодарам на сите граѓани на земјата за нивното единство и патриотски дух. Вистината е на наша страна. Сите поставени цели ќе бидат остварени“, изјави рускиот претседател.
Свет
УНХЦР: „Хуманитарна катастрофа во Либан“
Израелските воздушни напади врз Бејрут го потресуваат Либан, стотици цивилни жртви и илјадници раселени лица. Портпаролката на УНХЦР, Шабија Манту во интервју за ДВ изјави: „Ние сме бесни“.
Либан е една од најголемите оперативни области на Агенцијата на Обединетите нации за бегалци (УНХЦР). Првата канцеларија во земјата беше отворена во 1964 година. Оттогаш, оваа организација на ОН обезбедува поддршка за локалното население, бегалците и лицата без државјанство.
Од нападот на Хамас врз Израел во октомври 2023 година и ескалацијата на конфликтот, според податоците на УНХЦР, најмалку 1.540 луѓе загинале во Либан, вклучително и повеќе од 100 Сиријци, до нападот во последните неколку дена. Само за време на првиот голем израелски воздушен напад на 23 септември, загинаа повеќе од 500 луѓе.
Во интервју за ДВ, портпаролката на УНХЦР, Шабија Манту, ја опишува ескалацијата на конфликтот, недостатокот на заштита на цивилното население, како и внатрешното раселување во Либан.
„Настаните во последните три дена ги обележуваат најтешките напади врз Либан од 2006 година“.
Иво Фрејсен, претставник на УНХЦР во Либан, зборува за „хуманитарна катастрофа“.
„Бомбардирањето резултираше со стотици цивилни жртви. Убиени се и двајца соработници на УНХЦР. Бесни сме и длабоко погодени од убиството на двајца сакани членови на УНХЦР и еден од членовите на нивното семејство во Либан.
Цивилното население има право на заштита дури и за време на воени операции. Ова право мора да се обезбеди. Заедно со генералниот секретар на ОН, Гутереш, повикуваме на итна деескалација и бараме од сите страни да ги заштитат цивилите, вклучително и работниците на хуманитарните организации, во согласност со нивните обврски според меѓународното хуманитарно право.
Ние им помагаме на раселените луѓе низ целата земја и тесно соработуваме со властите и хуманитарните партнери, особено во јужен Либан. Ова вклучува обезбедување на основни потреби, поддршка на ново раселените лица, соработка со Министерството за здравство на Либан и Светската здравствена организација (СЗО) за набавка на комплети за траума и медицинска опрема, зголемување на бројот на болници поддржани од УНХЦР, како и дистрибуција и поставување клучни залихи како што се душеци, ќебиња, сетови за готвење и други неопходни работи на југот на земјата. Координирана е и финансиската помош“, вели тој.