Сојузничките авиони кои учествуваат во операцијата „Обединет заштитник“ во Либија, само во понеделникот извршиле 143 летови, од кои 53 борбени при што уништиле седум тенкови.

Сојузничките авиони кои учествуваат во операцијата „Обединет заштитник“ во Либија, само во понеделникот извршиле 143 летови, од кои 53 борбени при што уништиле седум тенкови.Покрај тоа, како што во вторникот соопшти прес-службата на Алијансата, вчера биле уништени уште  едно оклопно возила, девет бункери и магацини со муниција на армијата на либискиот лидер Моамер ел-Гадафи .Вкупно, од 31 март, кога започна операцијата на коалиција под команда на НАТО, изведени се 2.877 летови, од кои 1.199 се борбени во рамките на операцијата за обезбедување зона за забранети летови над Либија, соопштија од Североатлантскиот сојуз Што се однесува за мониторингот за спроведувањето на ембаргото за оружје на Либија, во понеделникот во централен Медитеран патролирале 18 бродови на НАТО. Од почетокот на операцијата, припадниците на НАТО извршиле проверки врз 422 брода, од кои само во понеделникот врз 38 пловила. Притоа десет пати бил истоварен товар од бродовите, а трипати на инсистирање на припадниците на НАТО бил изменет курсот на бродовите. Од средината на февруари во Либија почнаа масовни демонстрации со барање за повлекување од власта на режимот на Гадафи кој владее со земјата повеќе од 40 години, Гадафи, кои подоцна се претворија во вооружен судир меѓу владините сили и бунтовниците. Советот за безбедност на Обединетите нации, на 17-ти март ја усвои резолуцијата 1973  со која се повикува на воведување зона на забранети летови над Либија и ја отвори можноста за странска воена интервенција во расчистување на ситуацијата во оваа северноафриканска земја. Операцијата започна на 19-ти март во којашто се вклучени коалиционите сили предводени од Велика Британија, Франција, САД, Канада, Белгија, Италија, Шпанија, Данска, Норвешка. Раководењето на со кампањата во Либија 31 март целосно беше префрлена на командата на НАТО. Операцијата на Северноатлантската алијанса, која го доби кодното име „Обединет заштитник“ се изведува со цел да се обезбеди ембаргото за увоз на оружје за Либија, за воспоставување зона на забранети летови зони и заштита на цивилното население. Американските сили се повлекоа од директното учество во воените операции, препуштајќи ја одговорноста за завршување на мисијата на Велика Британија, Франција и другите сојузници во НАТО./крај/макфакс/сн