Свет
Умре индискиот гури Саи Баба

Индискиот гуру Саи Баба познат низ светот кого милиони луѓе го посетуваа сметајќи го за живо божество, починал во неделата во болница во Индија во 85-та година од животот
Гуруто, според индиските медиуми, починал откако последните три седмици бил во критична состојба. Недалеку од својот храм во селото Путапарта во јужната индиска држава Андра Прадеш, Саи Баба повеќе од три недели беше приклучен на апарати за дишење и дијализа во болница, додека лекарите се бореа за да го спречат откажувањето на неговите витални органи.„Саи Баба повеќе физички не е со нас, Престана да дише во 7,40 часот и почина по застој на кардиоваскуларниот систем“, стои во соопштението на болницата што го цитира AFP.Веднаш штом беше хоспитализиран, верниците пристигнаа во Путапарта и речиси го запоседнаа градот спиејќи по улиците бидејќи хотелските капацитети биле веќе исполнети. Во овите три седмици се затворени сите дуќани и канцеларии во градот, од почит кон Саи Баба.Се проценува дека во повеќе од 10 земеји Саи Баба има околу десет милиони негови следбеници. Тие веруваа дека Саи Баба е реинкарнација на Саи Баба од Ширди, кој почина во 1918 г.Се предвидуваше дека Саи Баба ќе живее 96 години па денешната веста за неговата смрт ги збуни неговите поклоници кои му припишуваа надприродни способности, меѓу кои и лечење на болните во терминална фаза и присетување на поранешните животи.Меѓу неговите следбеници има и многу познати личности, поранешни премиери и претседатели, деловни луѓе, како што се американската актерка Голди Хоун или индиската крикет ѕвезда Сачим Тендулкар.Една од најголемите донации на приврзаниците на Саи Баба им подари поранешниот сопственик на синџирот локали „Хард рок кафе“, Ајсак Бартон Тикрет. Саи Баба беше секогаш во јарка портокалова одежда и со афро фризура, тој избегна обид за убиство во 1993 г., кога четворица вооружени мажи со ножеви влегоа во неговата куќа и пред доаѓањето на полицијата убија двајца негови соработници.Саи Баба имаше свои следбеници во повеќе од 126 земји. За него се говореше дека „изведува чуда“, но во неколку наврати беше обвинуван и за сексуално злоставување и лажни „чуда“. Тој ги негираше ваквите обвинувања и никогаш против него не беше подигнато официјално обвинение, ниту беше осуден за било какво злосторство.Следбениците на Саи Баба се собраа по вестите за неговата смрт околу храмот во Путапарта. Телото на Саи Баба ќе биде донесено во тој храм, каде ќе остане до вторник. Се очекува на неговиот погреб да се соберат стотици илјади луѓе.Од пред неколку недели кога здравствената состојба на Саи Баба се влоши, околу храмот беше присутно силно полициско обезбедување кое постави барикади на патиштата за да го оневозможи сообраќајот во селото и да го контролираат бројот на луѓе околу храмот.Саи Баба е роден на 1926 во Путапарта и се викал Сатјанарајан Раџу. Себеси во 1940 се прогласи за „аватар“ (симнување на Бог на земјата) или реинкарнација на хиндуистичкиот светец Саи Баба од Ширдија – град во западната индиска држава Махарастра, кој почина во 1918 г. Саи Баба не се женел и немал деца,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ЕК: Секоја од нашите земји-членки може привремено да ја укине забраната за летови на авионот на Путин

Најавената средба меѓу претседателите на САД и Русија во Будимпешта е добредојдена ако може да доведе до праведен и траен мир во Украина, изјави денес портпаролот на Европската Комисија.
„Ја поздравуваме оваа средба ако помогне во постигнувањето на траен и праведен мир во Украина“, изјави портпаролот на Комисијата, Олоф Гил.
Претседателот на САД, Доналд Трамп, по телефонскиот разговор со рускиот претседател Владимир Путин објави дека двајцата ќе се сретнат во Будимпешта во следните две недели.
Во врска со логистичките прашања околу пристигнувањето на рускиот претседател во Будимпешта, Комисијата објасни дека секоја земја-членка може по исклучок да одобри отстапување од забраната за влез во европскиот воздушен простор за руски авиони.
Портпаролката на Комисијата, Анита Хипер, изјави дека како дел од санкциите против рускиот претседател Путин и министерот за надворешни работи Сергеј Лавров, средствата во ЕУ се замрзнати, но нема и забрана за влез на територијата на ЕУ.
Меѓународниот кривичен суд (МКС) издаде налог за апсење на Путин во 2023 година за воени злосторства поврзани со нелегалната депортација на украински деца.
Унгарија веќе беше домаќин на израелскиот премиер Бенјамин Нетанјаху во април оваа година, за кого МКС исто така издаде налог за апсење. После тоа, унгарската влада информираше дека се повлекува од тој суд.
Сепак, според статутот на МКС, Унгарија сè уште е должна да го уапси Путин бидејќи повлекувањето од судот стапува на сила една година откако генералниот секретар на ОН беше известен.
Во унгарскиот случај, тоа е јуни 2026 година.
Шефот на унгарската дипломатија, Петер Сијарто, денес изјави дека Будимпешта ќе обезбеди Путин непречено да влезе на нејзина територија со цел средба со Трамп и дека успешно ќе се врати во Русија.
фото:принтскрин
Свет
ОН: Потребно е време за да се намали гладот во Појасот Газа

Обединетите нации во петокот објавија дека ќе биде потребно време за да се намали гладот во Појасот Газа и повикаа на отворање на сите премини кон воено разурнатата палестинска територија.
– Ќе биде потребно извесно време за да се намали гладот - изјави портпаролката на Светската програма за храна на ОН (WFP) Абер Етефа на прес-конференција во Женева.
Светската програма за храна на ОН испорачуваше просечно 560 тони храна во Газа дневно од почетокот на прекинот на огнот, но ова е сè уште под она што е потребно, рече Абер Етефа.
– Сè уште сме под она што ни треба, но стигнуваме до таму. Прекинот на огнот отвори тесен прозорец на можности, а WFP се движи многу брзо и успешно кон зголемување на помошта за храна – изјави Етефа за новинарите, пренесува Ројтерс.
Фото: принтскрин
Свет
Песков: Многу работи треба да се договорат пред самитот Путин-Трамп

Кремљ во петокот соопшти дека самитот меѓу претседателот Владимир Путин и Доналд Трамп би можел да се одржи во рок од две недели или малку подоцна, но дека има многу работи што треба да се договорат пред да се одреди датум.
Трамп и Путин во четвртокот се согласија да одржат втор самит за војната во Украина, привремено закажан во Будимпешта, по состанокот на 15 август во Алјаска кој не донесе напредок.
Изненадувачката најава дојде пред состанокот меѓу Трамп и украинскиот претседател Володимир Зеленски, и во време кога Вашингтон размислува да го снабдува Киев со крстосувачки ракети Томахавк.
Портпаролот на Кремљ, Дмитриј Песков, им изјави на новинарите дека рускиот министер за надворешни работи Сергеј Лавров и американскиот државен секретар Марко Рубио ќе мора да договорат меѓусебен состанок за да решат голем број прашања пред самитот.
– Има многу прашања, треба да се утврдат преговарачките тимови и така натаму. Затоа, сè ќе се прави во фази, но, се разбира, волјата на претседателот е тука – рече Песков.
– (Самитот) навистина би можел да се одржи во рок од две недели или малку подоцна. Постои општо разбирање дека ништо не треба да се одложува – рече тој.
Песков нагласи дека Русија останува отворена за мирно решение за ставање крај на војната во Украина.
Русија ги обвинува Киев и неговите европски сојузници за одложување на мировните преговори. Тие, пак, ја обвинуваат дека поставува неприфатливи барања и изјавија дека не веруваат дека Путин е сериозен во врска со постигнувањето мир.
Кремљ одделно соопшти дека Путин и унгарскиот премиер Виктор Орбан разговарале по телефон во петокот за претстојниот самит и дека Орбан рекол дека Унгарија е подготвена да биде домаќин на настанот, пренесува Ројтерс.
Фото: принтскрин