Свет
Заминувањето на Гадафи ја отежнува борбата со тероризмот
Заминувањето од власт на либискиот лидер Моамер ел-Гадафи може краткорочно да ја отежни борбата на САД со тероризмот, оценува поранешниот директор на CIA, Мајкл Хајден кој смета дека Гадафи бил добар партнер
Директорот на американската Централна раљзузнавачка агенција (CIA) во периодот од 2006 до 2009 г., Мајкл Хајден, на конференција рекол дека Агенцијата добро соработувала со Моамер ел-Гадафи и со неговиот поранешен министер за надворешни работи Муса Куга кој пребегна во Велика Британија по избувнувањето на вооружениот бунт против режимот на почетокот од април.„Што и да мислите за Гадафи и Муса Куса, беа добри и беа добри партнери во борбата со тероризмот“, изјавил Хајден.И сирискиот претседател Башар ал-Асад бил „многу добар“ во борбата со сунитските екстремисти, но ги поддржува радикалните шиити, озценил Хајден. Во Сирија, која е блиска на Техеран, траат исто така протести кои власта немилосрдно ги задушува.Случувањата во Либија и во Сирија „значително ќе ја отежнат борбата со тероризмот во блиската иднина“, иако, како што пренесува AFP, Хајден смета дека бранот протести во арапскиот свет долгорочно може да биде и позитивен за САД поради тоа што Ал Каеда потешко ќе регрутира нови следбеници,Пред две седмици беше емитувана видео снимка на која вториот човек на терористичката Ал Каеда, Ајман ал–Завахири, ги повикува сите муслимански земји да се борат против САД и НАТО доколку нивните сили ја нападнат Либија. Ал-Завахири, на снимката направена пред почетокот на бомбардирањето на Либија ги повикува муслиманските земји да се борат и против либиската војска лојална на Моамер ел-Гадафи. Тој потенцира дека особено Египет, Алжир и Тунис треба да се кренат и борат против платениците на Гадафи.Инаку и претходноглобалната терористичка мрежа Ал Каеда се огласуваше во врска со судирите во Либија, барајќи соборување на режимот на полковникот Моамер ел-Гадафи и воспоставување исламска управа во Либија.Меѓу бунтовничките сили кои се борат за соборување на режимот на Моамер ел-Гадафи во Либија, може да се инфилтрирани и терористи од меѓународната терористичка мрежа Ал Каеда и од либанското шиитско движење Хезболах, н акрајот од март изјави врховниот командант на силите на НАТО во Европа, адмирал Џејмс Ставридис, говорејќи пред Сенатот.„Ние внимателно го проучуваме составот на бунтовнички групи и конкретните лица кои се водачите на опозицијата“, рече адмиралот Џејмс Ставридис. Спроед него, разузнавачките извештаи покажале дека има „знаци на потенцијално присуство (меѓу бунтовниците) на Ал-Каеда и на Хезболах.“„Во овој момент не можам да кажам дека меѓу опозицијата е опипливо присуството на Ал Каеда или други терористички организации“, реча на 29-ти март Ставридис, говорејќи пред сенаторската комисија во Вашингтон.Претходно во Париз претседателот на Чад (сосед на Либија), Идриз Деби, за весникот „Млада Африка“ (Jeune Afrique) изјави декаа припадници на терористичката организација „Ал Каеда во земјите на исламскиот Магреб“ искористувајќи ја воената ситуација во Либија украле ракети „земја-воздух’ Според него, милитантите на глобалната терористичка мрежа Ал Каеда го прокриумчариле оружјето во централна Сахара.Уште од почетокот на немирите либискиот водач Моамер ел-Гадафи во разговор за францускиот весник Journal du Dimanche, а подоцна и во заедничко интервју за американската телевизија ABC, како и за британските BBC и Telegraph изјави дека се бори против терористите на Ал Каеда, чиишто челници преку аудио и видео снимки во неколку наврати им дадоа поддршка и понудија помош за востаниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.