Движењето Фатах на палестинскиот претседател Махмуд Абас и неговиот жесток опонент исламистичкото движење Хамас денеска постигнаа договор со кој ќе формираат преодна влада на националното единство и ќе договорат датум за општи избори, потврдија двете страни.

Движењето Фатах на палестинскиот претседател Махмуд Абас и неговиот жесток опонент исламистичкото движење Хамас денеска постигнаа договор со кој ќе формираат преодна влада на националното единство и ќе договорат датум за општи избори, потврдија двете страни.Повеќе палестински фунцкионери и светски државници се изненадени од овој потег, затоа што Фатах и Хамас се длабоко поделени околу решавањето на повеќегенерацискиот  судир со Израел. Договорот е постигнат во Египет, а е резултат на серија тајни состаноци. „Двете страни го потпишаа договорот. Сите точки на несогласување се надминати,“, изјави Тахер ал-Ноно, портпарол на владата на Хамас во Газа додавајќи дека Каиро наскоро ќе ги повика двете страни на свечено потпишување на договорот. За договорот прва соопшти египетската разузнавачка служба, со чиешто посредување и се овозможи постигнувањето на договорот, пренесува Reuters.Во соопштението што го пренесе египетската новинска агенција Mena, разузнавачката служба на Египет соопшти дека договорот е резултат на залагањата на  претставништвото на Хамас кое го води Муса Абу Марзук и лидерот на Централниoт одбор на Фатах, Азам ал-Ахмад.„Консултациите резултираа со целосно разбирање во врска со сите точки од расправата, па и за преодниот договор во кој би се содржале специфични задачи и би го одредил датумот на изборите“, се наведува во соопштението.Според соопштението, договорот на Египет би му овозможил да ги повика сите палестински фракции идните неколку денови во Каиро да потпишат договор за национално помирување. Израелскиот премиер Бенјамин Нетанјаху реагираше на информациите од Египет и изјави дека палестинскиот претседател Махмуд Абас не може да се надева на мировен договор со Израел доколку се впушти во договор за измирување со исламистичкото движење Хамас.„Палестинската управа мора да избере дали сака мир со Израел или мир со Хамас. Нема можност за мир со двете страни“, рече Нетанјаху.  Следниот месец Нетанјаху ќе се обрати на заедничка седница на американскиот Конгрес во Вашингтон и притоа ќе го претстави својот план за продолжување на замрзнатите преговори со палестинската самоуправа на Абас којашто го контролира окупираниот Западен брег. Преговорите започнаа во септември минатата година со цел во рок од една година да доведат до договор, но набрзо беа закочени бидејќи Нетанјаху одби да го продолжи рокот во кој делумно би го замрзнал еврејското населување на Западниот брег./крај/ро/сн