Свет
ЕУ ќе воведе ембарго за продажба на оружје на Сирија
Земјите членки на Европската унија(ЕУ) денеска постигнаа согласност за воведување на ембарго за продажба на оружје на Сирија и да разгледаат други рестриктивни мерки поради насилно разбивање на антивладините протести.
Земјите членки на Европската унија(ЕУ) денеска постигнаа согласност за воведување на ембарго за продажба на оружје на Сирија и да разгледаат други рестриктивни мерки поради насилно разбивање на антивладините протести. На состанокот во Брисел било дадено зелено светло за ембаргото за продажба на оружје и забрана на опремата за репресија. Одлуката, како што се дознава од дипломатски извори, наскоро ќе биде формализирана. Амбасадорите на земјите членки на ЕУ побараа од експертите да ги подготват плановите за можни забрани за патување и замрзнување на имотите на сириските лидери. Најмалку 50 цивили се убиени денеска во нападите на сириските безбедносни сили врз демонстрантите кои учествуваа на антивладините протести, тврдат невладините организации за заштита на човековите права. Според истите извори, демонстранти биле убиени во Дера, Хомс и Латакија, како и во Кадама, во близина на Дамаск. Советот на Обединетите нации(ОН) за човекови права денеска на седницата во Женева усвои Резолуција, со која побара итно испраќање на мисија во Сирија која треба да спроведе истрага околу прекршувањето на човековите права. /крај/рој/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.