Терористичката мрежа Ал-каеда чијшто водач Осама бин Ладен е убиен во Пакистан, e одговорна за низа терористички напади ширум светот

На 26 февруари 1993 година во напад на Светскиот трговски центар во Њујорк убиени се шест луѓе, а илјадници беа ранети. Во момент на нападот во центарот имало 55 илајди луѓе. На 13 ноември 1995 година автомобил бомба експлодираше во Ријад, пред зградата на саудиската национална гарда, убиени се пет американски војници и двајца Индијци.На 25 јуни 1996 година камион со два тонa ексползив експлодираше на влезот на американската база во Кобар, во близина на градот Даран. Имаше 19 мртви Американци и 386 ранети. На 7 август 1998 година во Кенија два автомобил-бомби истовремено експлодираа во близина на американската амбасада, а во нападот се убиени 224 луѓе, од кои 12 Американци, а повредени се илјадници луѓе. На 12 октомври 2000 година убиени се 17 американски маринци во Јемен, во пристаништето Адена. На 11 септември 2001 четири патнички авиони со вкупно 266 луѓе беа киднапирани и беа искористени како оружје за спекатакуларен напад на Светскиот трговски центар во Њујорк, Пентагон и Вашингтон. Четвртиот киднапиран авион се урна во Пенсилванија. Загинаа околу 3000 луѓе. На 11 април 2002 во Тунис загинаа дваесет иедно лице во самоубиствен напад во синагога во Џерба. На 12 октомври истата година во напад на автомобил-бомба на диско-клуб на Бали загинаа 202 луѓе меѓу кои и бројни туристи. На 12 мај 2003 година, 35 загинати во самоубиствен напад во Саудиска Арабија меѓу кои девет Американци. На 16 мај истата година 45 загинати во Мароко во пет симултани напади во Мароко во ресторани, хотели и еврејски места во Казабланка. На 15 и 20 ноември загинаа 63 во Турција во четири самоубиствени напади на автомобили-бомби на две синагоги, британски конзулат и британска банка во Истанбул.На 2 мај во 2004 година во Ирак загинаа 180 луѓе во низа напади на светите шиитски места во Багдад и Кербала. На 11 март истата година во низа напади во Шпанија на возови на три железнички станици во Мадрид, убиени се 181 луѓе, а 2000 се ранети.На 7 јули 2005 година, 56 луѓе се убиени во Велика Британија во четири самоубиствени напади во подземната железница и автобусите во Лондон. На 23 јули истата година во туристичкото одморалиште Шарм-ел-Шеик во Египет убиени се 68 луѓе. На 9 ноември во Јордан, 60 загинати во трократен самоубиствен атентат на хотели во Аман. На 24 април, 2006 година во Египет имаше 20 загинати и 90 повредени во туристичкото место Дахаба на Црвено море. На 14 август 2007 година во Ирак имаше повеќе од 400 мртви во четири атентати во покраината Нинива на северот на земјата. На 11 декември истата година во Алжир имаше 40 загинати во два самоубиствени напада. На 17 септември 2008 година, беше извршен напад со автомобил бомба врз американскатра амбасада во Сана кога загинаа 16 луѓе. На 20 септември истата година во Пакистан загинаа 60 луѓе во самоубиствен напад на хотел во Исламабад. На 25 декември 2009 година на лет од Холандија за САД еден од приврзаниците на Ал Каеда се обиде да киднапира авионот, но не успеа во својата намера. На 24 декември 2010, 23 луѓе се убиени во Јемен во самоубиствен напад при верски обред на северот на земјата.