Свет
Белата куќа ја повлече изјавата дека е убиена жената на Бин Ладен

Белата куќа синоќа ја повлече изјавата на советникот на американскиот претседател Џон Бренан дека во акцијата во Аботабад е убиена и сопругата на Осама бин Ладен и дека била користена како жив штит.
Белата куќа синоќа ја повлече изјавата на советникот на американскиот претседател Џон Бренан дека во акцијата во Аботабад е убиена и сопругата на Осама бин Ладен и дека била користена како жив штит.
Сопругата на Бин Ладен во нападот е ранета, а смртно настрадала друга жена која се наоѓала во куќата, изјави неименуван службеник на белата куќа, исправајќи ја претходната изјава на Бренан.
Џон Бренан на конференцијата за новинари вчера во Белата куќа рече дека жената на Бин Ладен послужила како човечки штит.
„По она што го сфатив, кога бил нападнат бин Ладен, таа се наоѓала на местото што упатува на тоа дека била употребана како човечки штит“ рече Бренан и додаде дека не се знае дали бин Ладен и неговиот син ја сместиле таму или доброволно сама се поставила.Американскиот службеник не објави каде сега се наоѓа жената на бин Ладен.
Белата куќа вчера, исто така, објави дека има фотографии на мртвиот бин Ладен, но дека се’ уште не е одлучено дали ќе бидат објавени.
„Може ќе ги објавиме за да ги отфрлиме сите сомневања дали е тој навистина убиен“ рече Бренан.
Некои од членовите на американскиот Конгрес веќе побараа да се објават фотографиите, но таква одлука се уште не е донесена./крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Грушко: Русија ги презема сите потребни мерки за својата безбедност

Во контекст на акциите на НАТО во Балтичкото Море, Русија ги презема сите потребни мерки за да ја обезбеди својата безбедност, изјави денес заменик-министерот за надворешни работи на Руската Федерација, Александар Грушко.
„Би сакал уште еднаш да нагласам дека овој регион е претворен во зона на акутно воено соперништво, а тоа е многу опасна работа. Добро е познато дека ги преземаме сите потребни мерки за да ја обезбедиме нашата безбедност и одбрана“, рече тој во емисијата на ТВ „Росија-24“, пренесува ТАСС.
Според него, се реорганизирале два воени округа, потпишан е и стапил во сила договор за безбедносни гаранции за Русија и Белорусија, кој предвидува распоредување нуклеарно оружје на територијата на Белорусија, а се зајакнуваат и капацитетите на воената флота и рускиот крајбрежен одбранбен систем.
„Значи, ќе бидеме целосно вооружени и нема да дозволиме НАТО да проектира сила од Балтичкиот Регион од северниот правец“, заклучи тој, според „Танјуг“.
Свет
„Парамонт“ се спогоди со Трамп, ќе платат 16 милиони долари

„Парамонт“, матичната компанија на Си-би-ес, постигна спогодба со американскиот претседател Доналд Трамп, кој ја тужеше поради интервју што беше емитувано во октомври лани, во најновото отстапување на медиумската компанија кон претседател кој ги критикува медиумите за она што го нарекуваат лажно или заведувачко известување.
„Парамонт“ изјави дека ќе плати 16 милиони долари, но ќе ги додели парите на идната претседателска библиотека на Трамп и нема да му плати на Трамп директно или индиректно.
„Спогодбата не вклучува изјава за извинување или жалење“, се додава во соопштението на компанијата.
Трамп поднесе тужба од 10 милијарди долари против Си-би-ес во октомври тврдејќи дека мрежата измамнички монтирала интервју емитувано во нивната новинска програма „60 минути“ со тогашната потпретседателка на САД и претседателска кандидатка, Камала Харис, за да „се насочи во корист на Демократската партија“ на изборите.
Во изменетата тужба поднесена во февруари Трамп го зголеми своето барање за отштета на 20 милијарди долари. Си-би-ес емитува две верзии од интервјуто со Харис, во кое давала разни одговори на истото прашање за војната меѓу Израел и Хамас, според тужбата поднесена во федералниот суд во Тексас.
Си-би-ес претходно тврдеше дека тужбата е целосно неоснована и побара од судијата да го отфрли случајот.
Трамп тврдеше дека уредувањето на интервјуто од страна на Си-би-ес го прекршило Законот за измамничките трговски практики и заштита на потрошувачите во Тексас, кој забранува употреба на лажни, заведувачки или измамнички практики.
Спогодбата на „Парамонт“ следува по одлуката на „Еј-би-ес њуз“, во сопственост на „Волт Дизни“, да реши случај за клевета што го поведе Трамп.
Како дел од таа спогодба, објавена на 14 декември лани, мрежата донира 15 милиони долари на претседателската библиотека на Трамп и јавно се извини за коментарите дадени од водителот Џорџ Стефанопулос, во кои погрешно се вели дека Трамп е прогласен за виновен за силување.
Матичната компанија на „Фејсбук“ и „Инстаграм“, „Мета платформс“, исто така се согласи на спогодбата, која на 29 јануари објави дека се согласила да плати приближно 25 милиони долари откога Трамп ја тужеше затоа што неговите профили на тие социјални мрежи беа суспендирани по нападот врз американскиот Капитол на 6 јануари 2021 година.
(Фото: ЕПА)
Свет
Десетици патници заробени во воз во Германија два и пол часа на екстремна топлина

Десетици германски патници беа спасени од службите за итни случаи откога беа заробени во неисправен воз во екстремна топлина синоќа.
Регионалниот воз застана на железнички мост во покраината Долна Саксонија поради техничка грешка, изјави портпаролот на федералната полиција. Грешката значеше дека климатизацијата работеше само делумно, а вагоните бргу се загреаа бидејќи Германија беше погодена од топлотен бран.
Потоа неколкумина од 48-те патници ги повикаа службите за итни случаи. Федералната и покраинската полиција, девет амбулантни возила и четири лекари беа повикани на местото на настанот за да ги евакуираат патниците од возот и да им укажат медицинска помош.
Според службите, пет лица побарале медицинска помош поради дехидрација и проблеми со циркулацијата. Едно 14-годишно девојче и едно 15-годишно момче биле однесени во болница. Операторот на возот, „Нордвестбан“, не одговори на прашањата на новинарите.