Емисарот на Ал Каеда, главен координатор на меѓународните терористи за Северен Кавказ, Абдула Курди загинал во операција на специјалните единици во Чеченија, јавува РИ Новости повикувајќи се на Националниот антитерористички комитет (НАК)

„Милитантот во 1991 г, пристигнал во Северен Кавказ од територијата на Панкиската област во Грузија. Во Чеченија, Абдула Курд беше припадник на т.н. ’арапска група’ на  Ал Каеда под команда на Хатаб, Абу-ал Валид и Абу-Хавас, чијашто криминална активност претходно беше прекината од  која беше потиснат руската Федерална служба за безбедност со учество на полициските органи“, се вели во соопштението цитирано од агенцијата. Според НАК,  Абдула Курд директно бил вклучен во планирање и организирање големи терористички напади, убиства на цивили и на припадници на полициските органи. „Од 2006 г., по ликвидацијата на Абу-Хавас, Курд станува заменик на вториот водач на Ал Каеда во Северен Какваз, државјанин на Саудиска Арабија со име Моханед. По ликвидацијата на Моханед, во операција од 11-ти април, Абдула Курд ја презеде функцијата на главен координатор на структурите на меѓународниот тероризам во Северен Кавказ“, стои во извештајот на руски НАК. Според Комитетот, Курд ги контролирал и дистрибуирал финансиските приливи од странство за терористички активности на територијата на целиот Северен Кавказ. Рускиот антитерористички комитет во соопштението истакнува дека операцијата за уништување на терористите била водена во координација меѓу разузнавачките и полициските агенции не само од Русија, туку и со „активна соработка со странски партнери“, што ќе придонесе за „усложнување на контактите за севернокавкаските терористи од Ал Каеда“.Ноќта кон понеделникот американски специјални сили го убија лидерот на терористичката мрежа Ал Каеда, „терористот број 1“ Осама бин Ладен. Тој беше застрелан во главата во обид да се спротистави во неговата добро  утврдена куќа во градот Аботабад, во близина на пакистанскиот главен град Исламабад. ДНК тестовите потврдија дека убиениот е  бин Ладен.