Свет
Обама реши да не се прикажуваат фотографиите од мртвиот Осама

Американскиот претседател Барак Обама одлучи да не се објавуваат фотографии од убиениот Осама бин Ладен и, исто така, да не бидат објавувани слични докази за смртта на лидерот на Ал Каеда, јави во средата телевизијата CBS News повикувајќи се на самиот претседател на САД
„Во интервју за Стив Крофт коешто ќе се емитува во неделата програма ’60 минути’, претседателот Обама изјави дека нема да ги обнародува посмртните фотографии на Осама бин Ладен, снимени да ја докажат неговата ликвидација“, јави вечерва CBS News. Лидерот на Ал Каеда, Осама бин Ладен, беше убиен во ноќта на 2 мај по локално време, кога специјалните сили на армијата на САД упаднаа во утврдената куќа во близина на градот Аботабад, во близина на пакистанскиот главен град Исламабад. Телото на лидерот на ,моќната глобална терористичка мрежа беше погребано во морето. Од друга страна, се’ уште актуелниот директор на ЦИА, Леон Панета, во телевизиско интервју изјави дека објавувањето на тие фотографии е само прашање на време. Портпаролот на Белата куќа, Џеј Карнеј, сепак во текот на средата беше попретпазлив – тој рече дека фотографите „ужасуваат“ и оти нивното објавување би можело да доведе до непредвидливи последици. Тој истакна дека американската администрација размислува околу тоа дали тие треба да бидат обелоденети. Досега американските власти на јавноста не и’ презентираа ниеден вистински доказ за убиството на Осама бин Ладен. Тие се ограничија само на соопштението дека ДНК тестот 100 отсто го потврдил идентитетот на жртвата. Во средата претседателот на Комисија за разузнавање на американскиот Претставнички дом, Мајк Роџерс, изјави дека администрацијата не треба да ги објави фотографиите, бидејќи нивно прикажување може да предизвика немири на Блискиот Исток. „Замислете како американскиот народ би реагирал доколку Ал Каеда убие еден од нашите војници или воени лидери, и ги постави фотографиите на интернет, Осама бин Ладен не е трофеј Тој е мртов, а сега ајде да се концентрираме на борбата, се’ додека Ал Каеда не биде целосно уништена“, ги цитира зборовите на Роџерс американската телевизија CBS News.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Намалено предупредувањето за Хаваите

Предупредувањето за цунами за Хаваите е намалено, објави Тихоокеанскиот центар за предупредување од цунами.
Ова значи дека постои можност за силни бранови, мали поплави и силни струи, но не се очекува големо цунами.
„Евакуираните можат да се вратат дома“, рече гувернерот на Хаваи, Џош Грин.
На луѓето им се советува да возат полека и да бидат безбедни, а воедно да внимаваат на поплави во некои области.
Според Пацифичкиот центар за предупредување од цунами, бран од 1,74 метри досега беше регистриран во Кахулуи, Мауи, додека бран од 1,5 метри беше регистриран во Хаила, Хаваи.
Свет
Земјотрес во Русија на 30 јули предизвика цунами во Америка на 29 јули

Силен земјотрес со јачина од 8,8 степени според Рихтеровата скала го погоди полуостровот Камчатка на рускиот далечен исток во среда наутро во 11.24 по локално време. Набргу четири брана го погодија Северокурилск во руската Сахалинска област.
Сепак, до моментот кога првите бранови стигнаа до Хаваите неколку часа подоцна, според локалното време таму, беше вторник вечер.
Тоа е затоа што брановите, во календарска смисла, се вратија во минатото.
Додека се движеле на исток, брановите oд цунамито ја преминале Меѓународната датумска линија, невидлива граница што го дели Тихиот Океан и разграничува еден ден од следниот.
Фото: Цунами во Русија по потресот
Свет
Земјотресoт на Камчатка силен како 15.800 атомски бомби фрлени врз Хирошима

Земјотрес со јачина од 8,8 степени, како оној на Камчатка, ослободува огромна количина енергија.
За споредба, атомската бомба фрлена врз Хирошима ослободи речиси 15 килотони енергија од ТНТ (тоа се околу 6,3 × 10¹³ џули).
Земјотрес со јачина од 8,8 степени ослободува приближно 1×10¹⁸ џули енергија.
Ако го поделиме тоа: 6,3×10131×1018≈15.873
Значи, земјотресот со јачина од 8,8 степени бил приближно 15.800 пати посилен (во однос на ослободената енергија) од атомската бомба фрлена врз Хирошима.