Свет
Обновени борбите во Јемен
Племенската унија Хашид која и’ пристапи на опозицијата во Јемен, во средата за време на обновените судири со владините трупи во главниот град Сана ја презеде контролата врз седиштето на државната авиокомпанија „Yemenia“, јави AFP, повикувајќи се на извор во владата и на очевидци
Покрај тоа, претставниците од највлијателното племе во Јемен во средата продолжи со контролата врз зградата на јеменското министерство за трговија и индустрија и зградата на официјалната новинска агенција SABA.Во ноќта кон средата, јеменскиот претседател Али Абдула Салех нареди армијата да го прекиен огнот и побара од поддржувачите на шеикот ал-Ахмар, кој се смета за водач на племето Хашид, да ги напуштат запоседнатите државни објекти.Според AFP, најжестоките борби продолжиле во средата во квартот од јеменската престолнина ал-Хасаба, во близина на резиденцијата на ал-Ахмар и во зградата на министерството за внатрешни работи, од каде што според изјави на очевидци, племенската опозиција истрелала најмалку десет противтенковски проектили.Милитантите нападнаа и други административни згради во главниот град, од кои некои се’ уште под оган, пренесува агенцијата. Според извештаите во медиумите најновите податоци говорат дека за време на судирите што започнаа во понеделникот на двете страни загинале најмалку 44 луѓе. Претходно, болнички и извори во јеменската влада соопштија дека дека во судирите загинале 14 припадници на армијата и дека се убиени 24 приапдници на племето Хашид. Анти-владините демонстрации со кои се бара оставка на претседателот Али Абдула Салех, кој е на власт повеќе од 30 години, почнаа во Јемен од почетокот на февруари. Припадницит на владините специјални единици употребија оружје за да ги растераат антивладините демонстранти. Според западните медиуми во текот на немири во земјата загинале повеќе од 140 луѓе.Во понеделникот, Советот за соработка на арапските држави од Перискиот залив, го објави повлекувањето на својата иницијатива за мирно решавање на кризата во Јемен поради неуспехот на шефот на државата да потпише договор со кој се обезбедува мирен трансфер на власта од претседателот во рок од еден месец во замена за гаранции дека нема да биде гонет.Јеменскиот претседател на крајот од април одби да го потпише мировнито план со опозицијата, откако претходно ја поддржа иницијативата за внатрејеменски договор на GCC за помирување. Истовремено владејачката партија во Јемен, „Генералниот народен конгрес“ го одобри планот предложен од страна на GCC, кој предвидува оставка на претседателот Салех за 30 дена по формирањето влада на национално единство. По назначувањето на владата, претседателот треба да ја предаде власта на заменик-претседателот а опозицијата да престане со демонстрациите. Според иницијативата на на GCC, Салех, исто така,треба да добие имунитет од судско гонење.Противниците од Салех бараа негово непосредно заминување од функцијата, иако неговиот мандат истекува на крајот од 2013 г. Претседателот Салех на 18-ти март објави воведување полициски час во земјата за период од 30 дена. Таа одлуката беше одобрена од страна на јеменскиот парламент. Објавувањето на вонредната состојба следеше еден ден откако западните медиуми објавија дека јеменските безбедносни сили стрелале врз анти-владините демонстранти во главниот град Сана при што убија 40 лица, а околу 300 беа ранети. Јеменскиот претседател изрази жалење за загинувањето на цивилите, но ја негираше вината на припадниците на безбедносните структури на земјата.Протестите инспирирани од востанијата во Тунис и во Египет го доведоа до раб на пропаст 32-годишното владеење на актуелниот претседател Али Абдула Салех. Но, Салех во почетокот повика на прекин на насилствата, затоа што немал никаква намера да си поднесе оставка.Салех стана претседател на Северен Јемен во 1978 г. а по повторното обединување на Северен и Јужен Јемен во 1990 г., застана на чело на новоформираната унитарна Република Јемен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.