Свет
Три бомбашки напади на државни институции во Кина
Во три одвоени експлозии пред државни институции во градот Фуџу, на истокот од Кина, денеска се повредени најмалку пет лица.
Во три одвоени експлозии пред државни институции во градот Фуџу, на истокот од Кина, денеска се повредени најмалку пет лица.
Бомбашките напади, како што пренесуваат агенциите, извршени се паралелно во рок од еден час на канцеларијата на државниот обвинител, зградата на општинската администрација, како и институцијата за надзор на прехрамбени производи и лекови.
Извор во владата на покраината Џиангкси претпоставува дека бомбашот најверојатно е еден незадоволен земјоделец, кој сакал со нападите да им се одмазди на властите поради, како што смета тој, неправедниот воден судски спор.
Неименуваниот портпарол на властите за кинеската агенција Ксинхуа рекол дека експлозијата се случила нешто после девет часот по локално време.
Бомбата кај првата експлозија се наоѓала во еден автомобил во гаражата во зградата на државното обвинителство, другата била детонирала кај зградата на општината, а третата исто така била сместена во возило во близина на Агенцијата за контрола на прехрамбени производи.
Властите не сакаа да дадат информации за бројот на жртвите, но агенциите, врз основа на информации добиени од очевидци, тврдат дека се повредени пет лица, уништени се најмалку десет автомобили, а искршени се стакла и на бројни згради.
Агенциите наведуваат дека против осомничениот во тек е судска постапка. Фуџу е град од околу четири милиони жители, кои, како и останатите градови на Кина брзо растат, па споровите околу земјиштето станале сè почести.
Минатиот септември внимание кај јавноста предизвика судирот меѓу фармерите и работниците кои требаше да ги срушат нивните куќи./крај/бл/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.