Свет
Обама ја заокружи европската турнеја во Полска

Американскиот претседател Барак Обама денеска ја заокружи шестдневната европска тура во Варшава, каде што се сретна со полските политички лидери
Американскиот претседател Барак Обама се сретна со претседателот на Полска, Бронислав Корноровски и со премиерот Доналд Туск. Средбите се фокусираа на прашањата од безбедноста и енергетиката, но Обама ќе мора да ги смири Полјаците, кои се загрижени поради тоа што Обама го турка настрана проектот на неговиот претходник за изградба на ракетен штит во оваа земја.Полските лидери беа многу разочарани од одлуката на Обама да не продолжи со изградбата на штитот, што го протолкуваа како отстапка кон Русија и како знак за незаинтересираност за Полска. Сепак, САД ветуваат дека ќе покренат најмалку една иницијатива од оваа област во Полска. Советничката за безбедност на Белата куќа, Лиз Шервуд Рандал, која патува со Обама, во Варшава истакна дека во Полска ќе биде воспоставена база на воздухопловните сили на САД.„Првично тоа ќе биде мала, постојана база на земја, а подоцна ќе премине во ротациска, со многу поголемо значење“, рече таа. Обама, исто така, го одби барањето на Полска за визно олеснување за граѓаните на земјата кои патуваат во САД. Една од главните теми за кои Обама дискутираше со своите домаќини е енергетиката. Полска има големи резерви на шкрилец, од кој може да се извади нафта. Познавачите велат дека Германија и Русија не сакаат овие резерви да бидат отворени – Германија од еколошки причини, а Русија, најверојатно, не сака да се создаде конкуренција на нејзините енергенси кои таа ги извезува во големи количини во овој регион.Полјаците се надеваат Обама да го поддржи отворањето на овие резерви, и тоа преку инвестиции на американски енергетски компании.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Експлодира бензинска пумпа во Рим, неколку повредени, тројца со сериозни изгореници

Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Свет
Трамп: Многу сум разочаран од Путин, не мислам дека сака да престане, тоа е лошо

Американскиот претседател Доналд Трамп утрово изјави дека е разочаран од телефонскиот разговор со Владимир Путин бидејќи рускиот претседател не изгледал дека сака да ја запре војната во Украина и додаде дека денес ќе разговара со украинскиот претседател Володимир Зеленски.
Напорите на САД дипломатски да ја прекинат војната на Русија во Украина во голема мера се во застој, а Трамп се соочува со растечки повици, вклучително и од некои републиканци, да го зголемат притисокот врз Путин да започне сериозни преговори.
По вчерашниот разговор со Путин, Трамп планира да разговара со Зеленски денес, изјави тој за новинарите по враќањето во Вашингтон од патувањето во Ајова.
„Многу сум разочаран од разговорот што го имав со претседателот Путин денес… Многу сум разочаран“, рече Трамп. „Само велам дека не мислам дека сака да престане, а тоа е лошо.“
Двајцата лидери не разговарале за неодамнешното запирање на испораките на оружје од САД во Киев за време на речиси едночасовниот разговор, покажа резимето доставено од помошникот на Путин, Јуриј Ушаков.
Во рок од неколку часа по завршувањето на разговорот, руски напад со беспилотно летало запали станбена зграда во северно предградие на Киев, соопштија украинските власти, што укажува дека нема промена во водењето на војната од страна на Русија.
Во самиот Киев, сведоци на Ројтерс пријавија експлозии и постојан оган додека единиците за воздушна одбрана се бореа со беспилотни летала над главниот град.
[Q]: What was your call with Vladimir Putin today accomplished?
President Trump: We had a call. It was a pretty long call. We talked about a lot of things, including Iran. And we also talked about, as you know, the war with Ukraine. And I'm not happy about that.
[Q]: Did you… https://t.co/f3Yb379dfb pic.twitter.com/8gtZ9ITZ8v
— Anton Gerashchenko (@Gerashchenko_en) July 3, 2025
„Воопшто не постигнав никаков напредок со него“, им рече Трамп на новинарите вчера.
Регион
(Видео) Таксист се залета со возилото во демонстранти во Смедерево

Додека граѓаните мирно преминувале пешачки премин во Смедерево, возач на такси налетал на луѓе.
Smederevo, taksi nosi coveka na haubi. Tablice: Sd 0814 tx pic.twitter.com/8rAciLoxVe
— Petar Petrovic (@tombomn) July 4, 2025
Притоа еден граѓанин бил собран од возилото и се возел на хаубата околу 200 метри, јавува репортер на Н1.
Од утрово продолжуваат блокадите низ цела Србија, а неколку студенти беа уапсени на ливада пред Факултетот за драмски уметности во Белград.
Исто така беше приведен и граѓанин во Крагуевац кој одбил да даде документи за идентификација на српската полиција.