Полицијата, во соработка со санитарната инспекција, ќе контролира дали заразените пациенти без симптоми, кои се лекуваат дома, ја почитуваат мерката за самоизолација. Ние мора да вратиме сè што направивме порано, а тоа е телефонска контрола и казнување“, рече српскиот министер за здравство, Златибор Лончар, пред новинарите во Белград.

Заразените лица кои немаат никакви симптоми на болеста се испраќаат на домашна изолација. Епидемиологот Радован Шеканац посочи утрово дека голем проблем се заразените пациенти кои се на домашно лекување и кои не ја почитуваат мерката на самоизолација, ја напуштаат куќата и шетаат низ градот затоа што немаат никакви симптоми.

Руските власти ископале ров околу оддалечено сибирско село за да го стават во карантин, откако десетици жители се заразиле со Ковид-19. Локалните власти веруваат дека се проширил преку традиционален шамански обред.

Селото Шулута, кое се наоѓа на околу 30 километри југоисточно од езерото Бајкал во сибирската провинција Бурјатија, има 37 потврдени случаи заразени со вирусот, од вкупно 390 жители.
Се верува дека уште 25 лица биле во контакт со заразените, и тие мора да бидат во карантин.

Заразата почнала откако десетина селани учествувале во шамански ритуали на 10 јуни, кои ги извршувала заразена жена. Рововите околу Шулута биле ископани на 29 јуни, како мерка за да се спречат туристите да возат низ селото кон блискиот Национален парк Тунк, како и за да го ограничат движењето на локалните жители, од кои некои биле скептични за наредбата да се самоизолираат.

Mилиони луѓе се загрозени од силните дождови и поплави коишто ја зафатија Кина, особено местата лоцирани на реката Јангцекјанг, а нивото на заштита од поплави е подигнато на втор степен.

#Wuhan in central #China‘s Hubei province raised its emergency response for flood control to level II starting from July 6 after heavy rains battered the city on Sunday, according to the city’s flood control and drought relief headquarters. pic.twitter.com/NU9Y1PalR2

— ivan (@ivan8848) July 6, 2020

Многу пороен дожд паѓа веќе два дена во Вухан и околината, а во некои делови, паднаа дури 250 милиметри дожд за 24 часа, или 250 литри на метар квадратен, објави „Ксинхуа“. На многу места, реките го преминале нивото на одбрана од поплави, а во Вухан се борат да го спасат градот од поплавување.

#Wuhan. 武汉武昌虎泉，保利华都 pic.twitter.com/44nyH8kLEq

— Jennifer Zeng 曾錚 (@jenniferatntd) July 5, 2020

Според „Ксинхуа“, се очекува врнежите да продолжат не само во Вухан, туку и во многу други градови во Кина, кои се во опасност од поплавување, а милиони луѓе се загрозени.

Најризично е во провинцијата Хубеи, јаде главен град е Вухан, кој до неодамна беше најтешко погоден од коронавирусот. Како што сметаат во СЗО, пандемијата зибувнала токму во овој град , во кој имаше речиси 3.900 починати.