Свет
Потврден првиот случај на ешерихија коли (ЕНЕС) во Чешка
Во Чешка е потврден првиот случај на ентерохеморагична бактерија на ешерихија коли (ЕНЕС), а бројот на заболени се заканува дека ќе пoрасне на три бидејќи се чекаат резултатите од тестовите на уште двајца пациенти, соопшти денеска портпаролот на Министерството за здравство, Властимил Сршењ
Во Чешка е потврден првиот случај на ентерохеморагична бактерија на ешерихија коли (ЕНЕС), а бројот на заболени се заканува дека ќе пoрасне на три бидејќи се чекаат резултатите од тестовите на уште двајца пациенти, соопшти денеска портпаролот на Министерството за здравство, Властимил Сршењ. Мажот за кого се веруваше дека е првата жртва на бактеријата ЕХЕС која предизвика смрт на 15 луѓе во Германија, заболел од некоја друга цревна инфекција. „Лабораториските тестови потврдија дека опасната форма на ешерихија коли заразила Американка, турист, која сега се лечи во болница во Прага“, изјави Сршењ. Американката пристигнала во Чешка по престој во Германија. Државната земјоделска и прехранбена инспекција во Чешка почнала да ги контролира сите видови на зеленчук и тоа не само од производителите од Германија или Шпанија, туку веќе и од балканските земји и од домашните плантажи. Тестовите на шпанските краставици кои германските власти ги сметаа за извор на заразата, а 120 парчиња од нив стигнале и во чешките продавници, се негативни и не претставуваат извор на заразата. И покрај овие смирувачки информации на властите, Чесите се исплашија и потполно престанаа да купуваат краставици, а стравот се пренесе и на доматот, салатата и други видови на зеленчук.Во соседна Словачка за сега не постои случај на инфекцијата ЕНЕС, а тестовите на 20 пациенти во Кошица во источниот дел на земјата покажаа дека имаат друга болест. Во Полска уште минатата недела е забележан еден случај на зараза со бактеријата ЕНЕС и тоа кај жена која допатувала од Германија. Иако е сместена во болница во критична состојба, таа сега се опоравува, потврди денеска министерката за здравство, Ева Копач./крај/бе/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.