Свет
Војските на земјите од Заливот во Бахреин
Воените сили на земјите од Персискиот залив распоредени на средината од март во Бахреин за да помогнат во задушувањето на анти-владините протести , и натаму остануваат во Бахреин
Оваа одлука којашто за дневниот весник „Ашкар ал-Авсат“ ја соопштил висок воен функционер е донесена и покрај тоа што во средата е укината вонредната состојба во Бахреин.„Тие сили ќе останат во Бахреин до моментот кога веќе нема да бидат потребни“, изјавил командантот на одбранбените сили шеикот Калифа Бен Ахмед ал-Калифа.Саудиска Арабија во Бахреин испрати повеќе од илјада војници, а Обединетите Арапски емирати околу 500 што бахреинската опозиција го нарече „странска окупација“.Техеран жестоко ја осуди саудиската воена интервенција во Бахреин, земја во којашто како и во Иран живее мнозинско шиитско население, но с него владее сунитска династија.Поддржувачите на протестите во Бахреин преку интернет и натаму повикуваат на демонстрации. Во повикот од средата упатен преку социјалната мрежа Фејсбук „коалицијата на младите произлезена од револуцијата од 14-ти февруари“ ги повика жителите на Бахреин да протестираат за да се докаже дека „нашата револуција нема да се запре се’ додека шиитската и сунитската заедница не изборат право на самоопределување“.САД во меѓувреме го поздрави апелот на кралот Хамид Бен Иса ал-Калифа на национален дијалог, оценувајќи дека станува збор за „позитивен развој на настаните“. Бахреин ја укина вонредната состојба во средата во надеж дека тоа ќе биде сигнал за туристите и деловните луѓе дека животот во земјата се враќа во нормала, но опозицијата страхува дека репресиите ќе продолжат. Властите особено се заинтересирани да ја вратат трката во Формула 1. Овој престижен настан кој требаше д асе одржи во Бахреин на почетокот од март беше откажан поради безредијата кои избија во февруари која демонстрантите кои бараат повеќе демократија поттикнати од народните бунтови во Тунис и Египет претходно, излегоа на улиците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.