Свет
Жипе сака кандидатура во 2012-та, ако се откаже Саркози
Францускиот министер за надворешни работи Ален Жипе во средата изјави дека може да биде кандидат на владејачката партија на десниот центар UMP на претседателските избори идната година, но во малку веројатниот случај доколку тоа не биде актуелниот претседател Николас Саркози.
Францускиот министер за надворешни работи Ален Жипе во средата изјави дека може да биде кандидат на владејачката партија на десниот центар UMP на претседателските избори идната година, но во малку веројатниот случај доколку тоа не биде актуелниот претседател Николас Саркози.
Советниците на претседателот Саркози велат дека тој ќе се кандидира на претседателските избори во април 2012 година, иако неговата популарност е помала од на кој и да е поранешен претседател во поновата француска историја и дека ќе му биде тешко да се спротистави на левицата додека десното избирачко тело почнува да го придобива кандидатката на крајната десница Марин Лепен. „Мислам дека сега најдобар кандидат за нашата владејачка групација е Николас Саркози“, изјави Жипе кој е ветеран меѓу конзервативните лидери во Франција.Жипе влезе во владиниот кабинет на Саркози во ноември минатата година како министер за одбрана, а овој февруари беше именуван за шеф на француската дипломатија. Се очекува Саркози до крајот на оваа календарска година да се изјасни дали повторно ќе се кандидира за претседател на Француската Република./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.