Свет
Либискиот министер за нафта сака да се придружи на бунтовниците
Либискиот министер за нафта, Шукри Ганем изјави во средта во Рим дека „ја напуштил татковината“ за да им се придружи на бунтовниците и да се „бори за демократска држава“, пренесе италијанската агенција Анса.
Либискиот министер за нафта, Шукри Ганем изјави во средта во Рим дека „ја напуштил татковината“ за да им се придружи на бунтовниците и да се „бори за демократска држава“, пренесе италијанската агенција Анса.„Во овие околности, повеќе не можам да работам и затоа ј анапуштив татковината и својата работа за да застанам до одлуката на младите Либијци да се борат за демократска држава“, изјави во Рим Шукри Ганем.Ганем, за кој не е познато кога допатувал во главниот град на Италија, сепак додал дека се’ уште не соработува со Националниот преоден совет (NTC)коешто е претставничко тело на либиските бунтовници. Министерот за нафта Ганем е еден од поистакнатите припадници на режимот на либискиот водач полковникот Моамер ел-Гадафи, на 14-ти мај излегол од Либија во Тунис преку копнените гранични премини, соопшти своевремено дипломатски извор од Тунис. Но тогаш управата на хотелот на островот Џерба кој служи како прифатилиште за бегалците од Либија во кој наводно отседнал истиот ден соопшти дека тој си заминал, по што повеќе немаше никакви информации за него ./крај/анса/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.