Свет
Интерпол : Ал Каеда останува најголема глобална закана
Еден месец по убиството на Осама бин Ладен, терористичката организација и групите поврзани со неа, и понатаму се најголема закана за безбедноста во светот, рече денеска генералниот секретар на Интерпол, Роналд Нобл, пренесе Ројтерс
Еден месец по убиството на Осама бин Ладен, терористичката организација и групите поврзани со неа, и понатаму се најголема закана за безбедноста во светот, рече денеска генералниот секретар на Интерпол, Роналд Нобл, пренесе Ројтерс
Како што кажа Нобл, кој присуствува на собирот посветен на авиосообраќајот во Сингапур, во најголема опасност се авиопревозниците и другите видови сообраќај, бидејќи терористите успеваат да патуваат со лажни пасоши.
„Ние знаеме дека доколку терористите одат од земја во земја, без да бидат откриени, тоа претставува ризик за сите држави. Од перспективата на Интерпол, тоа е ризик број еден кој влијае на сите земји во светот“, рече Нобл.
Тој додаде дека безбедносните агенции во 2010. година преконтролирале 490 милиони пасоши и утврдиле дека 40.000 се или украдени или изгубени.
Нобл информираше дека базата на Интерпол содржи детали за 16 милиони пасоши и 12 милиони изгубени лични документи./крај/рт/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.