Свет
Тунис: Судење на поранешниот претседател на 20 јуни
Судењето на поранешниот претседател на Тунис, Зин ел Абидин Бен Али, кој се наоѓа во егзил во Саудиска Арабија ќе започне на 20 јуни, соопшти претседателот на преодната влада Бежи Каид Есебси.
Судењето на поранешниот претседател на Тунис, Зин ел Абидин Бен Али, кој се наоѓа во егзил во Саудиска Арабија ќе започне на 20 јуни, соопшти претседателот на преодната влада Бежи Каид Есебси. За телевизијата Ал Џeзaира тој изјави дека на Бен Али ќе му биде судено пред цивилен и воен суд, дополнувајќи обвинението по кое ќе му се суди на поранешниот претседател и неговите соработници има повеќе од 90 точки. Саудиска Арабија не одговори на барањето на Тунис за екстрадиција на Бен Али. Бен Али го напушти Тунис во јануари, по бунтот против неговото 23-годишно владеење. Тој од февруари не се појавува во јавноста, а членовите на неговото семејство тврдат дека во февруари имал мозочен удар. Властите во Тунис на Бен Али сакаат да му судат поради корупција и поседување на дрога и оружје, откако во претседателската палата се пронајдени 27 милиони долари во кеш и речиси два килограми наркотици. Против Бен Али, неговото семејство и поранешните министри се водат повеќе паралелни истраги, меѓу кои и за убиство, злоупотреба на власта, илегална трговија со антиквитети и перење на пари. крај/т/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.