Свет
Одземен докторатот на поранешната потпретседателка на ЕП

Универзитетот во Хајделберг и ја одзеде докторската титула на поранешната потпретседателка на Европскиот парламент(ЕП), германската либералка Силвана Кох – Мерин, откако утврди дека нејзиниот труд е плагијат.
Универзитетот во Хајделберг и ја одзеде докторската титула на поранешната потпретседателка на Европскиот парламент(ЕП), германската либералка Силвана Кох – Мерин, откако утврди дека нејзиниот труд е плагијат.
Во нејзиниот труд од околу 80 страници, има повеќе од 120 места кои што надлежната комисија на престижниот Универзитет во Хајделберг, каде оваа политичарка докторирала во 2000 година, ги прогласила за плагијат.
Плагијатите потекнуваат од околу 30 публикации, од кои две третини воопшто не се наведени во списокот на литературата.
Атрактивната блондинка Кох Мерин исто како и поранешната политичка ѕвезда на Германија, поранешниот министер за одбрана Карл Теодор Гутенберг, се повлече од политичката функција како потпретседател на ЕП и претставник на либералите во тој парламент. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Осомничениот за убиството на Чарли Кирк се брани со молчење

Тајлер Робинсон, осомничениот за убиството на Чарли Кирк, престанал да комуницира со истражителите откако ангажирал адвокат. Деталите од неговиот прв разговор со полицијата се непознати.
„Тајлер Робинсон, човекот осомничен за пукањето и убиството на Чарли Кирк во среда, не разговара со истражителите“, потврдија за „Си-ен-ен“ два извори запознаени со случајот.
Еден од изворите рече дека Робинсон првично комуницирал со полицијата, но набрзо замолчил откако утрово ангажирал адвокат. Засега не е познато што разговарал со истражителите пред да одлучи да молчи.
Свет
Убиецот на Кирк би можел да биде осуден на смрт со стрелање

Властите на Јута ќе бараат смртна казна за 22-годишниот Тајлер Робинсон кој се сомничи за убиството на соработникот на Доналд Трамп, политичкиот активист, Чарли Кирк. Јута е една од петте американски држави кои дозволуваат егзекуција со стрелање.
Можноста за барање најстрога казна претходно ја објави гувернерот на Јута, Спенсер Кокс, кој изјави дека смртната казна е опција.
Јута, државата каде што се случи пукањето, е една од петте американски држави кои дозволуваат егзекуции со стрелање.
Свет
Осомничениот за убиството на Кирк задржан во притвор без можност за кауција

Тајлер Робинсон, осомничениот за убиството на Чарли Кирк во Јута, е приведен без кауција.
Судските документи исто така наведуваат дека Робинсон нема прекршочни или кривични пресуди.
Робинсон беше приведен по неколку првични обвиненија, кои вклучуваат тешко убиство, пукање со огнено оружје и попречување на правдата. Официјални обвиненија сè уште не се покренати против него.
Тајлер Робинсон, осомничениот за убиството на Чарли Кирк, е сместен во окружниот затвор во Спаниш Форк во американската држава Јута.
Властите имаат три дена да поднесат документи како подготовка за прелиминарно судско рочиште, каде што Робинсон треба да се појави за прв пат пред судија, што се очекува на почетокот на следната недела.