Свет
Преглед на печат / Свет
„Њујорк Тајмс“ (САД) – „„Вол-Март е удар за адвокатите во големите случаи“, пишува дека со разрешување на тужбата за сексуална дискриминација поднесена во името на 1,5 милиони жени кои работеле во „Вол-Март“
„Њујорк Тајмс“ (САД)
„„Вол-Март е удар за адвокатите во големите случаи“, пишува дека со разрешување на тужбата за сексуална дискриминација поднесена во името на 1,5 милиони жени кои работеле во „Вол-Март“, Врховниот суд во понеделникот забележително ги зајакна правилата за тоа како една голема група од поединци може да се здружи за да ја тужи компанијата за наводни повреди сторени врз нивните права.„Гардијан“ (Велика Британија)
Лидерите на ЕУ мора да дејствуваат решително или да се соочат со катастрофа“, пишува анализирајќи ја пораката на ММФ. Според весникот, од ММФ укажуваат дека лидерите на земјите од еврозоната мора да се договорат за спас на Грција или да предизвикаат дополнителна глобалната криза, доколку министрите на членките на ЕУ го одложат пакетот за помош вреден 12 милијарди евра.„Чајна дејли“ (Кина)
„Експертите добиваат лекции од Кина“ пишува дека извршните директори, финансиерите и владините претставници на Њујоршкиот Форум беа во потрага по начини како да се подобри економијата на САД, од создавање работни места па до намалување на дефицитот, но дека тие биле поделени околу прашањето колку САД треба и можат да научат од Кина. Довербата во Кина меѓу присутните во њујоршкиот хотел „Гранд Хајат“ било високо. Повеќе од половината од нив ги кренаа своите раце кога модераторот Марија Бартиромо, водител на Си-Ен-Би-си, праша колку мина веруваат дека кинеската економија ќе биде најголема во светот во следните 20 години, пишува весникот.„Москва Тајмс “ (Русија)
„Во Кимки, опозицијата бара глас“, пишува дека ниту организаторите навистина не можат да објаснат што претставува за сите она што четири дена се случуваше на протестниот собир. Но, како што забележува весникот, нешто се чувствуваше во атмосферата дури и кога Алексеј Навални, познат руски анти-корупциски блогер чијашто политичка ѕвезда е во подем, падна при својот настап. Митингот посветен за заштита на московската шума Кимки, кој заврши во понеделникот, привлече шаренолик состав од активисти, вклучувајќи либерално етаблирани личности како на пример рок-критичарот Артеми Троицки и руската телевизиска ѕвезда Леонид Парфјонов..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Папата ги повика владите на демографски политики: „Не недостигаат кучињата и мачките, туку децата“
„Владите мора да спроведат сериозни и ефективни политики за благосостојбата на семејствата за да се спротивстават на падот на наталитетот и стареењето на населението“, рече денеска папата Франциско и ги повика младите да имаат верба во иднината.
Говорејќи на конференцијата за сè потешката демографска криза, папата рече дека бројот на првите раѓања е показател за „надежта на луѓето“ и дека Европа се повеќе се претвора во „стар, уморен и резигниран“ континент.
„Потребни се ефективни политики, храбри, конкретни и долгорочни одлуки. Потребна е поголема посветеност на сите влади за помладите генерации да ги остварат своите легитимни соништа“, рече папата.
Стапката на наталитет во Европа минатата деценија падна на 1,5 раѓања по жена. Ова е повисоко од најниските нивоа како оние во Источна Азија, но многу помалку од 2,1 потребни за одржување на населението.
„Постои факт што ми го кажа еден демограф. Моментално, инвестициите со најмногу приходи се оние во фабрики за оружје и контрацепција. Едниот го уништува животот, другиот го спречува. Каква иднина имаме? Тоа е лошо”, вели папата.
Бројот на раѓања во Италија падна на рекордно ниско ниво во 2023 година и се намалува веќе 15-та година по ред.
„Домовите се полни со предмети, но без деца, стануваат многу тажни места. Не недостасуваат мали кучиња, мачки. Нема недостиг од тоа. Има недостиг од деца“, рече папата.
Тој предложи политики кои нема да ги принудуваат мајките да избираат помеѓу кариерата и грижата за децата и кои на младите парови ќе им обезбедат стабилни работни места и можност за купување недвижен имот.
„Знам дека за многумина од вас иднината изгледа неизвесна и дека поради падот на наталитетот, војните, пандемиите и климатските промени, не е лесно да се одржи надежта жива. Но, не се откажувајте, имајте верба “, им рече тој на младите.
Свет
Египет ги повика Хамас и Израел да покажат флексибилност и да постигнат договор за прекин на огнот во Газа што е можно побргу
Египет апелира до Хамас и Израел да покажат флексибилност за што побргу да се постигне прекин на огнот во борбите во Газа, соопшти утрово египетското Министерство за надворешни работи. Египет смета дека преговорите во Каиро не доведоа до прекин на огнот. Тие во моментот се во деликатна фаза, а делегациите на Хамас и Израел го напуштија главниот град на Египет, се наведува во соопштението.
Во телефонски разговор со американскиот државен секретар Ентони Блинкен египетскиот министер за надворешни работи Самех Шукри ја нагласи „важноста да се повикаат страните да покажат флексибилност и да ги направат сите неопходни напори за постигнување договор за прекин на огнот и на тој начин да се стави крај на хуманитарната трагедија во Газа, соопшти Министерството.
Каиро стравува од опасноста израелската операција во Рафа да ги загрози стабилноста и безбедноста на регионот, се додава во соопштението на египетската дипломатија.
Блинкен потврди дека Соединетите Американски Држави се против голема воена операција во Рафа и какво било принудно раселување на Палестинците од Газа, изјави неговиот портпарол, Метју Милер.
Израелската армија во вторникот распореди тенкови во Рафа и ја презеде контролата на граничниот премин со Египет блокирајќи го главниот премин за конвои со хуманитарна помош кон опколената палестинска територија.
Свет
Десетици илјади Палестинци бегаат од Рафах
Десетици илјади раселени Палестинци ги спакуваа своите шатори и други работи и бегаат од Рафах во други делови на Појасот Газа поради израелската закана од инвазија, пишува АП.
Израел постојано се закануваше дека ќе го нападне Рафах, каде засолниште побараа околу 1,3 милиони Палестинци, повеќе од половина од населението на Газа.
Еден од раселените рече дека не знае каде да оди.
Израелскиот премиер Бенјамин Нетанјаху денеска изјави дека американската закана дека нема да достави одредено оружје нема да го спречи Израел да продолжи со офанзивата во Појасот Газа.
Во текот на оваа недела израелските сили започнаа ограничена операција при која го зазедоа граничниот премин Рафах од палестинска страна и го блокираа влезот на хуманитарна помош.
ОН објавија дека северот на Појасот Газа веќе е во состојба на „тотален глад“.
Израел смета дека Рафах е последното упориште на борците на палестинското движење Хамас и дека армијата мора да влезе во тој град за да го уништи тоа движење и да ги врати заложниците кои беа киднапирани на 7 октомври.