Украина нема намера да го прекине партнерство со НАТО, но во исто време, во Киев уверуваат дека соработката со Алијансата не е насочена против Москва, изјави за РИА Новости денеска украински дипломатски извор.

Украина нема намера да го прекине партнерство со НАТО, но во исто време, во Киев уверуваат дека соработката со Алијансата не е насочена против Москва, изјави за РИА Новости денеска украински дипломатски извор. Соговорникот на агенцијата кој сакал да остане анонимен, ги коментирал неодамнешните написи во медиумите во двете држави, од кои може да се заклучи дека украинскиот претседател Виктор Јанукович зазема курс за обновување на односите со НАТО. Во вторникот, рускиот магазин „Коммерсант“ направи пресек на активностите за соработка во рамките на комисијата НАТО – Украина – (НУК) повикувајќи се на документ што го добил од свои извори, при што истакнува дека оваа година Украина и НАТО планираат да се одржат 64 средби на нивните претставници. Првата верзија на овој таен документ е одобрена од страна на НАТО и на Киев на 23 февруари оваа година – ден пред украинскиот премиер Микола Азаров да ја одобри „Годишната програма за соработка на комисијата Украина – НАТО“ кога деталите за оваа соработка не беа обелоденети. Според магазинот, на 23-ти мај во распоредот за одржување на средбите биле направени промени, а ажурираната верзија на документот е потпишана од заменикот на Генералниот секретар за политички прашања на НАТО, Џејмс Апатураи.На инсистирање на РИА Новости да биде коментирана оваа тема, соговорникот на агенцијата посочува дека соработката на Киев и НАТО дејствува според формула „сè, освен членство“. Соговорникот, исто така, посочува дека „партнерството (со НАТО), „никогаш нема да биде прекинато“.„Ако некој во Русија има илузии за тоа, тоа е нивен проблем, никогаш не се случило некој да одбие да соработува со најмоќната воена организација во светот“, вели за РИА Новости украинскиот дипломатски извор. Тој истакна дека соработката со НАТО, на Украина ќе и’ дозволи да спроведе реформи во одбраната и преквалификација на воениот персонал. Покрај тоа, соработката со Алијансата ќе и’ помогне на Украина „да спроведува воени вежби, за кои, отворено говорејќи, во украинскиот буџет нема пари“.„За сé што ние правиме со НАТО, секогаш отворено ги информираме руските партнери“, вели на крајот украинскиот дипломат./крај/рн/сн